أنا مش غبي ما تستـــــــــــــغبانيش
أنا مت كتيـر ودلوقتي عاوز أعيش
كل اللي فات أنا التزمت الســــكات
وكل ماأسألك...... تقولى مفيش!
دلوقتي أنا نفضت من عليَّ التراب
وصحيت بعد غفوة طويلة واغتراب
ليه كل الناس ليها وأنا ماليـــــــــش!!
ما تستغبانيش..
أنا ساكت لك براحتي وانت دايمًا كنت بتستغل سمـــــــاحتي
يا ما كنت تستغباني وتستعماني...
وتذلني وتتحكم فيّ... وتلعن وقاحتي
وأنا كنت أتراجع.. وأفضي لك ساحتي
ما تستغبانيش..
أنا نويت أعيش
واللى فات مات.. ويا همومي طفحتي!!
ما تستغبانيش..
أنا اللي عملت ثورة غضب
وفي ميدان بركان.. وانت السبب!!
تزوير.. وتحقير.. وفساد...
وكمان قلة أدب
أنا ثورة ضد الإرهاب.. ضد أبو لهب
أنا كل مصري حـر.. حريته بدمه كتب ما تستغبانيش
أنا عاوز أعيش في بلد الفســــــــاد ما يبقاش للركب
ما تستغبانيش..
ولا تستــــــــــعماني .. تاني
أنا ميدان التحرير.. والتغيير.... عنواني
لو كنت نيرون.... وبإرهابك بتروع أماني
أنا مش خايف....
وح اموت بس عارف
أنا بكره لي صنعته بيدى...
علشاني أنا اسمي محتج.. ومعتصم ..
بس مش عدواني
حلقة جديدة من برنامج نص الدنيا
English
