English
بقلم: أميل سمير
يا أمى كفاية بكاكى عليا كفاكى دموع
مشيت من هنا مش باصص ورايا ومش ناوى الرجوع
عارفك حزينة هدعيلك يا امى يصبرك يسوع
يا أمى كفاية بكاكى عليا كفاكى دموع
كنت بصلي وأنتى تملى تقوليلي سامح
اللى ضربك واللى شتمك بلفظ جارح
أغفر بقلبك وصلي لربك بكل خشوع
يا أمى كفاية بكاكى عليا كفاكى دموع
فينك يا ولدى فينك يا قلبي بدور عليك
نفسي أشوفك وفي خدك ابوسك وأبص في عنيك
هروح الكنيسة وهدور بجد وأولع شموع
يا أمى كفاية بكاكى عليا كفاكى دموع
يا ولدى شايفه دم وناس شايله الهم وعربية في نص الطريق
ودموع في عنين ورجول وأيدين ونار وحريق
شايفه مسامير وشوية صواميل وعضم وضلوع
يا أمى كفاية بكاكى عليا كفاكى دموع
آه يا نن عيني فينك وفينى وأنا وحدى هنا
أدينى مستنياك تيجي تاخدنى معاك هيبقي يوم المنى
أدعى يقصر عمرى وأبات في حضن ربي ولا أحس بعطش وجوع
يا أمى كفاية بكاكى عليا كفاكى دموع
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
حزب الأخوان يحرم الأقباط الترشح للرئاسة.. وعبد الفتاح: الإخوان لم يستوعبوا ما حققته الثورة! مايكل منير: المصريون بالخارج في غاية السخط من لجنة التعديلات الدستورية كامل يشكو استبعاد التكتلات القبطية من ائتلاف شباب الثورة انفلات أمني بـ"سوهاج"وتغيير رؤساء المحليات د. "أحمد جويلي": أخذت قرار الترشُّح للرئاسة والتيارات الليبرالية ستساندني