بالصور..اعتداءات على الفتيات المسيحيات بعزبة النخل ورشهم بمادة حارقة

على غرار ما تعرضت له الفتيات القبطيات بنزلة نخله مركز ابوقاقرص بالمنيا من رشهم بمادة حارقة على ملابسهم تعرضت اليوم فتاة قبطية بعزبة النخل بالقاهرة لاعتداء من احد المتشددين اثناء سيرها برفقة ولدتها وقام بجذبها من ملابسها ورشها بمادة حارقة على ملابسها ، ولم تكن هذه الحادثة الوحيده فهناك حوادث تكررت بنفس الطريقه مثل شارع السوق وعادة يقوم سائقى التوك توك .
 

وكتبت جوليا صموئيل احد فتيات عزبة النخل " أكشن تاني مرة يا بلد.. واتكرر تاني موضوع الكلور معايا انهاردة وانا ماشية برضو وفي نفس المنطقة بس في شارع تاني واترش عليا الكلور علي ضهر البنطلون.. المرة اللي فاتت علي ضهر البدي المرة دي ضهر البنطلون.. وانا ماشية وبرضوو من عيال راكبين توكتوك في وسط الزحمة وجريوا.. تفتكروا دة ايه..؟ دة ايه يا بلد.. المرة الجاية هيبقي علي وشي بقي ولا هيقتلوني ولا ايه بالظبط فهميني يا بلد ؟؟ انا لو الموضوع دة لو مكنش حصل مع بنات غيري في نفس الأماكن كنت افتكرت أنهم مستقصدني.. بس ابتديت اشك انه استقصاد!! طب والعيال دي متسابة علي التكاتك ليه.. انا لو حصلي حاجة الفترة اللي جاية لو كان دة فعلا استقصاد.. يبقي بجد البلد والحكومة كمان مشتركة معاهم في الجريمة.. بكرر كلامي تاني انا لو مت الفترة اللي جاية او حصلي حاجة وكان الموضوع استقصاد يبقي البلد كمان مشتركة في الجريمة .. انا بجد قرفت من البلد دي والعيشة في البلد دي والناس اللي في البلد دي.. يا بلد مبقاش فيكي لا نخوة ولا رجولة ولا أمان ولا أي حاجة .. كرهتونا في أم البلد دي.. الله يسامحكم .