قبطية تفضح عنصرية محل " كيكى ريكى " ضد الاقباط والمحل يعتذر !

فضحت شابة قبطية ممارسات عنصرية وقعت ضدها من محل " كيكى ريكى " للملابس بمنطقة وسط البلد ، عندما تعرضت لمضايقات على اساس الدين من احدى موظفات المحل .

 

وكانت ميرا شنوده ذهبت لشراء فستان من محل بشارع قصر النيل وعندها دخولها كانت موظفة بدأت تشعر بضيق من دخولها وكما كتبت ميرا على صفحتها " النهاردة الصبح دخلت محل في وسط البلد اتفرج علي فساتين. البنت اللي واقفة تبيع عمالة تأفف و ترد عليا بالقطارة. قلت معلش عادي، كلنا ساعات بنبقي مش طايقين نفسنا. 

 

وتابعت " خلصت في الدور الفوقاني و نزلت تحت ، تقوم تقول للsupervisor بتاعهم، شغلنا قرآن عشان الاشكال اللي بنشوفها دي ، مخدتش في بالي و طنشت

 

واستكملت " خدت الفساتين اللي هقيسها و ابتديت اطلع تاني و اتدورت اجيب فستان نسيته الاقيها بتقول للراجل (الزبونة المسيحية دي قرفتني ) رحت ادورت و قلتلهم حلو اوي الذوق و الادب دة و قلتلها لما تبقي جاية الشغل متضايقة متطلعيش قرفك عل الناس و الزبونة المسيحية دي مش هترد عليكي عشان محترمة و رميتلهم فساتينهم و مشيت. المحل المحترم يبقي kiki riki و الموظفة المحترمة اسمها منال.

 

وبعد ما نشرته ميرا ثارت حالة غضب من جراء التصرفات العنصرية ، وعلمت ادارة المحل بالواقعة ، وقدمت اعتذار  واعلنت انها قامت بفصل الفتاه التى قامت بهذا العمل العنصرى  ، ورغم ما تعرضت له ميرا من تمييز ولكن اظهرت معدن المحبة بداخلها وطالبت بعدم طرد الفتاه وقطع رزقها ، ولكن ما نشر سبب حالة غضب كبير وسط الاقباط مطالبين بمقاطعة المحل رغم ما قدمه المحل من اعتذار مجددا