هنا الزاهد : فضلت اتنطط على السرير لما عرفت اني هشتغل مع عادل امام

قالت الفنانة الشابة هنا الزاهد ، في لقاء لها في برنامج اون سكرين ، وانا صغيرة كنت بحب اتفرج على الاعلانات في التليفزيون ، عشان كده ماما كنت بتسجلي الاعلانات على شرايط عشان كل ما عيط تسكتني بيها  ،  خالي كان صديق لطارق نور ، لما شافني انا واختي قال ليه متعملوش اعلانات ؟!  ، عملنا كام اعلان واحنا صغيرين ، بعد كده وقفت شوية  ، لحد كليب بابا فين ، ومكنش صوتنا دا كان صوت ناس تانية .

 

وعن بدايتها في التمثيل ، صرحت قائلة  ، صحبتي في النادي جالها دور مع محمد صبحي ، بس اهلها مكنوش موافقين ، عشان كده خدت انا الدور .

 

 واعترفت الفنانة الشابة ، انا كنت محصورة  في ادوار معينة عرفت اخرج منها في مسلسل ايوب ، وفيلم بني ادم .  لما اشتغلت في فرق توقيت مع  تامر حسني ابتديت احس اني بقيت ممثلة ، في الاول بتحس انك مش عارف عاوز ايه  لكن بعد كدة بتحس الوضع بيتغير  ، طلعت زكريا جوز ماما كان بيساعدني وبيفهمني  الدورالحلو من الوحش .  

 

 واضافت ، انا اول ما كلموني وقالولي عاوزينك في دور بطولة مع عادل امام ، اندهشت ، وقفت على السرير وفضلت اتنطط مكنتش مصدقة نفسي ، استاذ رامي والفنان عادل امام هما اللي رشحوني للدور  ،. عادل امام و محمد صبحي مدرستين ، اتعلمت من صبحي الانضباط ، واتعلمت من عادل امام ازاي اخلي  كل واحد في  اللوكيشن يفك . عادل امام ليه رهبة برضه .