تحدث الفنانة سمية الألفي عن ولديها أحمد وعمر، وطبيعة شخصية كلا منهما، وأيهما أكثر شبها بوالده الفنان الراحل فاروق الفيشاوي، في الصفات وطريقة التعامل.
أوضحت سمية خلال حوارها مع الإعلامي عمرو الليثي ببرنامج "واحد من الناس" على قناة "النهار"، أن نجلها الأكبر أحمد تعتبره "الولد الشقي"، رغم أنه خجول للغاية في الحقيقة، منتقدة الهجوم المستمر عليه على مواقع التواصل الاجتماعي، حيث أكدت أن لا يوجد فنان موهوب وناجح ووسيم لم يتعرض لهذه الشائعات التي يتعرض لها نجلها.
تابعت: "أحمد ورث الشقاوة من أبوه، لكن لما تقرب منه تعرف إنه خجول جدا زي فاروق، لكن يبدو إن الصورة الظاهرية إنه مقطع السمكة وديلها، لكن لأ هو بقاله سنة ونص متجوز اهو ومستقر ومحترم ومش بيعمل أي شقاوة، ومراته ست فاضلة وبنوتة جميلة، وهي كمان محترمة وحلوة أوي ومدلعاه اخر دلع.. فا هيعوز إيه أكتر من كده".
وعن نجلها الأصغر عمر، قالت: "عمر هو سندي.. كنت زمان أقول أحمد شبه فاروق وعمر شبهي، وبعدين اكتشفت إن عمر هو فاروق شكله وروحه، بس ع نسخة فيها تقل ومنطق، فاروق كان مسميه رب العائيلة لأنه أعقل مننا كلنا، أي مشكلة عندنا في العيلة عمر هو اللي يحلها، سعيد صالح كان مسميه (الشيخ عمر) لأنه بيشوف اللي جواك من غير ما تقوله، يعني تخاف منه، وهو مش انطوائي لكن طبيعته إنه بيحب يبعد عن الأضواء".
يذكر أن الفنان فاروق الفيشاوي رحل عن عالمنا رحل عن عالمنا يوم الخميس 25 يوليو، عن عمر يناهز 67 عاما، بعد صراع طويل مع المرض.
