عبير حلمي تكتب اتهموني
اتهموني وبكلام كثير رموني
طب كانوا يسألوني !!!
يمكن يرتاحوا ويريحوني
طب لية بيلوموني ؟؟
صدقوا إتهامات منها أنا برئ
حلفوا حلفانات
ولا خافوا من إله حسيب
بيحسب وبيعد كل حرف
حرام يا أهل الظلم
حرام تتهموني وبالباطل ترموني
وتلوموني وأنتم أهل الملامة
وفي كل شارع وكل حارة
بألف وش وألف حكاية
ومن غش لغش ودي البداية
والمدّاري يعرفه رب البراية
طيب ولما تتكشف اللألاعيب
هتروحوا من الرب فين
وهتخبوا عيوبكم إزاي؟؟
من الرب كاشف الغيب
اوعوا ترموا الناس بالباطل
وتفكر أنها هتعدي كده بالساهل
دا ربك بيفوت يمكن بس تفوق
وبيعطي فرصتين ثلاثة
علشان وقت الجد
علي نفسك تلوم
والناس معادن يا ذوق
فيه اللي هيمشي وراك مغيب
وفيه اللي هيبحث في كلامك المغتاب
ويقول أصلي أنا مش مغيب
فيه الصادق الأمين
عن الحق لا يسكت ولا يلين
وفيه الصديق اللي يسد أذنه
عن كلام المهزار اللئيم
ومن الأدانه يهرب ولا يميل
وفيه اللي ما يصدق فركشة
ويقول أنا المستفيد
وفيه اللي الطبع فيه غالب
للخير يسعي وربه ينجيه من المهالك
وفيه يتبع ويمشي ويظلم و يوجع
يا قوم........
الخير والشر عملتين
عمله توصل للسماء
وعمله توصل للجحيم
ياتري هتختار مين؟؟؟؟
