حامد عبد الصمد
خلاص التاريخ القديم و الحديث علّمنا , و طالما علمنا يبقى اتعلمنا , و طالما اتعلمنا يبقى ماينفعش ننضرب 17 قفا على سهوه , ماهو قفانا ده مش لاقينه في الشارع حضرتك , مش قفا لقيط يعني .
..................
- المجاهدين الأفغان اتلمو من كل بلاد المسلمين و راحو يجاهدو ضد الإتحاد السوفيتي , في سبيل الله و رسوله ؟ لا حضرتك في سبيل أمريكا , حرب بالوكاله .
- المجاهدين اتلمو من الدول العربيه و الافريقيه و من شرق أوروبا و راحو يجاهدو ضد الجيش السوري و الجيش الليبي و الجيش المصري و العراقي , في سبيل الحريه و الديموقراطيه و الربيع العربي ؟ لا حضرتك في سبيل أمريكا وبريطانيا و صبيانهم الشاذ التركي و الشاذ القطري .
- مرات شهيد الصابونه اللي اتزحلق في الحمام جمعت ملايين تبرعات على روح جوزها الشهيد عشان تحفر بير رحمه ونور على روح المرحوم في أوغندا و خدت الفلوس و هربت .
- الإخوان قعدو 90 سنه يلمو تبرعات و صدقات و زكاوات , عشان يشترو أدويه و علاج للغلابه ؟ لا كانو بيشترو سلاح و يخزنوه عشان وقت الجد يقتلوك بيه , مفهاش حاجه يعني .
- تركيا و إيران و جماعة الإخوان الإرهابيه و حركه حماس من 2006 لما سيطرت على قطاع غزه , لعنو الصهاينه مليون مره , غنو ألف قصيده لتحرير القدس, جابو سيرة القدس و فلسطين في كل خطاب , بس ماقتلوش جندي صهيوني واحد , إنما قتلو عشرات الألاف من العرب و المسلمين , العسكريين و المدنيين وشردو ملايين و خربو بلاد و أسقطو جيوش عربيه .
- لما أردوغان بقى اقتصاده على كف عفريت و الليره بتتشقلب من مجرد تويته يكتبها ترامب , و ماعرفش ينهب حاجه تذكر من بترول سوريا و العراق ولا عارف يطلع بأي سبوبه من شرق المتوسط سرّح خرفانه , الصين بتقتل المسلمين في اقليم ماعرفش ايه ( أومال انت في سوريا و العراق و مصر كنت بتقتل مخلوقات فضائيه ولا مسلمين برضه ؟!) , المهم يا خرفاني قاطعو بقى المنتج الصيني و اشترو التركي , و مسعود اوزيل حد جميل و متدين و حاجج بيت الله 400 مره , مش زي محمد صلاح اللي خان الإسلام و خد جايزه من شركه صينيه , يبقى يا خرفاني الأعزاء تلمعو أوزيل و تشوهو صلاح .
.
تركيا عضو حلف الناتو , بلد الشذوذ و الدعاره , اللي فيها أكبر قاعده عسكريه أمريكيه هتحرر القدس و ترجع اللامؤاخذه الخلافه , أطماع أردوغان الاستعماريه لنهب ثروات الشعوب زي أجداده العثمانيين الصيع بقى اسمها الخلافه , أصل أردوغان ده متدين و بنى جامع ماعرفش فين و مراته محجبه ومش بتسلم على رجاله , مش زي السيسي الله اسمه عبد الفتاح بس يهودي و أمه اسمها الحاجه ماعرفش ايه كده , بس أكيد يهوديه برضه طالما حاجه يعني
...................
...................
عزيزي البني ادم المصري المسلم , ربنا سبحانه و تعالى ميّزنا بالعقل عن الحيوانات و القرود و الشمبانزي و دودة القز , خلقنا بني أدمين ما خلقناش حمير في قطيع , لذلك يجب أن نتصف بالكياسه و الفطنه , كيّس فطن مش كيس قطن , و نقطه يعني فلستوب ..
