كتبت - أماني موسى
نشر الإعلامي عمرو أديب تسريب للمقاول الهارب محمد علي وحديثه مع القيادي الإخواني ياسر العمدة في تركيا، قام محمد علي بنشرها على صفحته بالفيسبوك، وعلق أديب قائلاً" محمد علي بيسرب لنفسه.
وقال أديب في برنامج "الحكاية" المقدم عبر شاشة MBC مصر، الفنان المقاول محمد على بيسرب لنفسه.. بيشيت عالواتس مع ياسر العمدة.. ونزل ده على صفحته على الفيسبوك.. التسريب فظيع ويضرب الدنيا في الحيطة.. بيضر كل الناس بتوع المعارضة الإخوانية في إسطنبول وبيضر نفسه شخصيًا، لكن سبحان الله.
وأضاف أديب: محمد علي مسرب لقيادات الإخوان صوت وصورة، وفيها تحذير من القيادي الإخواني ياسر العمدة لمحمد علي من أن يأمن لتجار الثورة في تركيا ياسر العمدة قال لمحمد على، قائلاً له: "خليك منك للناس زي ما انت.. الناس دي الموضوع قلب معاهم بيزنس.. شوية المرتزقة اللي هنا في إسطنبول بياخدوا كل شهر لقنوات الشرق ومكملين ووطن مليون دولار شهريًا.. المعارضة في إسطنبول اتمولت خلال الـ5 سنين اللي فاتوا بنصف مليار دولار".
