محمد حسين يونس
هو فين المرض دة أنا مشفتش حد جاله . . دى سياسة .. و شغل حلق حوش .
و تبات عيان تصبح سليم .. فكله بأمر الله ..
و من لم يمت بالفيرس مات بغيرة ..فهذه الحياة غرورة
و ربنا مش راضي عنهم.. فإبتلاهم بالعلة .. و السقم .. و المرض .. و العجز ..
و هو يعني العلم نفع صحابة .. م هم في أمريكا و أوروبا بيموتوا بالالاف .
و يعني حنعمل إيه اللي مقدر حنشوفة .. و اللي حيجرى علي الناس حيجرى علينا ..
و ياما دقت علي الراس طبول .. ده إحنا عايشين في وباء مستمر طول عمرنا .و محميين بفضله
روح يا بني شغلك .. و أكل عيشك .. محدش حينفعك إلا كدك ..
و لكل أجل كتاب .. فلا تهتم .. إللي من نصيبك راح يصيبك ....و بلاش تمشي ورا المستغربين .. المتفرنجين .. اللي حيودونا في داهية .
الشوطة تاخد طرقتها .. و اللي مكتوب له النجاة .. سينجو . و اللي حيفارق ربنا يتولي أهله
بيقفلوا الجوامع في اللحظة اللي مطلوب منا التجمع و الدعاء .. لرفع البلاء
متخافش .. محدش بينام جعان.. و لا بردان .. و لا عيان ..إلا بسبب لان كل الام الدنيا بتكتب في ميزان حسناتك ..
هذا هو ملخص ما أتحفنا به .. أفراد الشعب خلال الإسبوع الماضي
عندما يفكر المصرى .. يبدع تواكلا .و إستسلاما ..و اللي زرعتوه إحصدوة .
يا راجل
هل معني أن المرض لم يصب أى من معارفك .. أنه غير موجود ...
ومين قال أن المصريين محميين و محصنين .
الله يكون في عونكم .
