بقلم: حليم إسكندر
عايز اتكـــــــلم بس ازاي ؟ ولما اكتب راح اكتب ايـه ؟
دا انت في حبك ما لك زي أب شايلنا جوه عيــــــــنيه
عشت بينا زي مـــــــــلاك أب حنين راعي أميــــــــن
كان الهنا تملي معـــــــــاك طـــول ايام شهـور وسنين
راهب زاهـــد حب الوحده عاش في مغاره كأنه غريب
وسط ضيقاته بيطلب نجده بيلقي الهنـــــــــا منه قريب
اول اسقف للتعليــــــــــــم يا بابانا يا حبيــــــــب الكل
لاهوتي وبفكر سليــــــــم لاولادك ترشـــــــــد وتدل
في نوفمبر واحد وسبعين الرب اختارك بطركنــــــا
احبك الوف ملاييــــــــن وحبك ابدا ما تركنــــــــــا
اب صــــــبور دايما بيعلم اولاده بحكـــــمه ووداعه
بيصلي قبل ما يتكــــــــلم وبحبه يعلمـــــــنا الطاعه
قلب كبــــير طيب بيحب ويســـامح حتي المسيئين
يا شنـوده يا حبيب الرب مين زيك في وداعتك مين؟
في حبك لبلادنا مثــــــال والكل بيتعــــــــــــلم منك
حب حقيـــقي مش أقوال وبلدنا دي عايشه في دمك
قلت بلدنا بتعيـــــش فينا مش احنا فيها عايشــــين
بنصلي ونرفــــع أيادينا الرب يباركها أميـــــــن
شعارك " ربنا موجود" ودايماً كله للخيـــــــــــــر
وتسامحك فوق أي حدود وبتغفر دايماً للغيــــــــــر
في 17 مارس يابابـــانا الرب اختـــارك وناداك
لكن سيرتك عايشه معانا ها ييجي يوم بكره ونلقاك
صلي عشانا يابابا شنوده ان يســــوع يمنحنا عزاء
ونعمه غنيه غير محدوده لحد ما نوصله في ســـماه
"كمال نبيل" لـ"عائلي جدًا": "كل من يستسهل سيبقى تحت الخط"
English
