كتب – محرر الاقباط متحدون ر.ص
وجه سمير فاضل، أستاذ التاريخ الحديث والمعاصر، رسالة إلى الحانقين والغاضبين من المنظومة الصحية في مصر وما وصلت إليه قائلا :" أقول لحضراتكم أن هذه المنظومة لم تتدهور في يوم وليلة ، هذا التدهور حدث منذ عام 1981 تحديدا ، وأمام أعين حضراتكم أيام ما كان كتير منكم في مواقع صحفية وإعلامية ، وكنتو شايفين المنظومة الصحية رايحة علي سكة الندامة ."
وتابع عبر حسابه على "فيسبوك"،:" وكان التواطؤ واضح جدا وسبتوا الدنيا تقلب تعدل ، وكأن اللي بيحصل ده مش في بلدكم ، افتكروا بس شوية وشوفوا كنتو بتعملوا ايه ، ياتري كام استجواب أتعمل في كل البرلمانات السابقة عن تدهور المستشفيات العامة ، يا تري قدمتم كما استجواب في البرلمان لمحاسبة كبار المسئولين عن تدهور المستشفيات العامة ، ولا علشان القيادات السياسية الكبيرة سواء كانت في المعارضة المصنوعة او في لجنة السياسات كانت بتتعالج علي اعلي مستوي في المستشفيات الخاصة الكبيرة واللي كانت بتستفاد من وضع وزير الصحة أيامها علشان تكوش علي كل الدوا اللي داخل مصر لصالحها ."
ولفت :" طيب ناسين أيام ما سبتوا مستشفيات الجماعة الإرهابية يبرطعوا وسط الغلابة الللي سبتوهم فريسة ليهم ، منظومة الصحة اللي زعلانين عليها انتوا شركاء في وصولها للحالة اللي مش عاجبه حضراتكم ."
واختتم :" معلش طلب أخير ، ياريت حضرتك تقول أنت عايز إيه بالظبط في المنظومة الصحية الجديدة ، إنما حضرتك ح تفضل بس تنقد ، لا ده بقا موضوع يخصك ."
