كتبت – أماني موسى
أوضح د. محمد علام، نائب مدير مستشفى النجيله للعزل بمطروح، أنه مؤيد لمقترح أن يتم استبدال عزل القادمين من الخارج بعزل منزلي، قائلاً: أنا مع استبدال العزل للقادمين من الخارج بعزل منزلي، ممكن رأيي الناس تعترض معاه لكن أنا شايف أنه صح.
وتابع في تدوينة عبر حسابه بالفيسبوك، شخص محتمل يكون مصاب أو لا، ليه الدولة تتحمل إقامته فى حين إن شخص مصاب فعلا محتاج الخدمة دى والأعداد بتزيد فالأعباء المالية والمتابعة الصحية الأولى بيها شخص مصاب فعلا .
مضيفًا، إحنا خلاص بقى عندنا انتشار للوباء فى مصر، دى كانت خطوة فى البداية لمنع زياد الانتشار، وأهو زاد يبقى خلاص ملهاش لازمة.
وأختتم بقوله، الشخص القادم من الخارج مفروض يخاف على نفسه وعلى اهله احتمال كبير جدًا ميكونش مصاب لو اختلط بغيره وكان الشخص اللى اختلط بيه مصاب فهو كده هيتعدى، ولو مصاب يخاف على اهله واصحابه دول اسبوعين مش كتير نعزل نفسنا فيهم ونتابع ظهور أي أعراض.
