كتب – محرر الاقباط متحدون ر.ص
علق الناشط الحقوقي محمد السماك، على واقعة تعذيب وقتل طفل عراقي على يد شيخ مارس عليه الدجل والشعوذة بزعم أن الطفل مسه جن.
وكتب "السماك" عبر حسابه على "فيسبوك"، دايما بقول إن الجهل هو العدو الأول للإنسان، شايفين الطفل الجميل إلي قدامكم ده يبقي ضحية جديدة من ضحايا جهل وتخلف المجتمع للنظرة الأولي للصور قولت انه أتخطف وأتعذب لأي سبب لكن إلي حصل غير كده، الطفل الجميل ده أسمه *علي أحمد عباس* من العراق محافظة الناصرية كان دايما بيحس بصداع والم في رأسه وجسمه، والطبيعي أن أهله يتخضوا عليه وبسرعة يروحوا لدكتور لكن للأسف مازلنا في عصور الظلام ومازال الجهل والتخلف قابع ومسيطر عليا."
وتابع :" أهله اخدوه لدجال لاستخراج الجن منه ومش متخيل أزاي في ناس لسه مقتنعة بكده يعني دونًا عن الأكوان والمجرات والكواكب والبشر دي كلها الجن مش هيلاقي غير ابنك يلبسه طيب ليه الجن مش بيلبس غير الي مؤمن بيه،الشيخ النصاب فضل يمارس دجلة وشعوذته وضرب وعذب الطفل معتقد انه كده بيعذب الجن لحد ما الطفل مات مش قادر أتخيل ازاي ممكن أهل يوافقوا ابنهم يٌمارس عليه أبشع أنواع التعذيب لمجرد خرافات ازاي يسيبوا طريق العلم والنور ويروحوا للضلمة.
واختتم :" الانتهاكات بحق الأطفال في تزايد وبشكل مستمر سمعنا عن اغتصاب الأطفال وقتلهم او وأد البنات علي سبيل غسل العار والي حتي الآن موجود ببعض المناطق لكن قتلهم بالجهل هي جريمة جديدة بحق الإنسانية والعلم ومش بس الدجال الي المفروض يتحاسب لأن الأهل هم السبب في الأول بجهلهم،لروحك السلام يا صغيري ."
