جورج حبيب
يكفي اليوم شره دا قاله الكتاب من قديم
علشان كده عيش يومك كله وانت سعيد
لا تفكر في بكرة وتقعد تعيد وتعيد
اصل بكرة دا موش بتاعك ولا ليك فيه ايد
دا في ايد ربك وحده وهو دايما معين
يتغير كل اللي حواليك وهو وحده امين
قلقان ليه بقه وابوك اغني الغنيين
هو واحده قادر يظبط كل المحيطين
ويدبرها بمعرفته وتدبيره صالح للملايين
لا يوم حاشا يخطئ ابدا زي كل البشريين
هو انت بس سلمله وحتكون من الفرحانين
ولا ناوي تعتمد علي ذاتك وتكون من الخاسرين
ومفرح كل قلب وكل جريح ولو من الخاطيين
قوم امسك في ايده وافرح مع القديسين
دي فرصة عمرك لا تضيعها وتكون من الغبيين
ابوك ابوك بتاع يومك وبكره ولابد الابدين
