كتب - نعيم يوسف
ألقى الرئيس عبدالفتاح السيسي، كلمة لطلبة الكلية الحربية، اليوم السبت، بثتها القناة الأولى بالتلفزيون المصري.
وقال السيسي: "أنا عارف إن ده الأسبوع الأول ليكم، وكنت حريص أكون معاكم من أول يوم.. وتابعت كل الإجراءات حتى تم اختياركم.. كلكم زي بعض، وبدايتكم بداية واحدة".
وتابع الرئيس: "اجتهد واتعلم، وتكون قدوة لنفسك ولزمايلك.. احترموا بعض كويس، عمر ما كانت القوة والكفاءة بسوء الخلق.. أبدا، القوة الحقيقية في ضبط النفس، وحسن الخلق والتعامل الجيد والكفاءة.. كفاءتك في أي مكان أنت موجود فيه".
وأكد: "اتعلم أنك تفكر كويس، وتتكلم، وقبل ما تتكلم لازم تفكر كويس علشان تشوف الكلام اللي بتقوله صح ولا لا".
