أعلن الفنان محمد أنور، نجم مسرح مصر، عن خضوعه لعملية جراحية مؤخرا، دون الإفصاح عن أي تفاصيل مُتعلقة بتطورات حالته الصحية، قائلا: «عملت عملية صغيرة أوي واتعلمت منها كتير أوي».
وكتب محمد أنور، عبر حسابه الشخصي بموقع التواصل الاجتماعي «فيس بوك»، قائلا: «أي واحد في العادي لما بتسأله إيه من نعم ربنا نفسك تكون عندك.. أغلب الناس بيتمني نعم كتير وقليل اللي بيفكر في أهم نعمة، وهي نعمة الصحة»، مؤكدا: «للأسف دي النعمة الوحيدة اللي مابتفكرش فيها غير لما يجيلك مرض أو تعمل عملية.. ساعتها بتلاقي أبسط الأشياء اللي كنت بتعملها عادي زي دخول الحمام أو النوم بقي حلم من أحلامك».
وأضاف نجم مسرح مصر: «ساعتها بتتمني من ربنا زوال كل النعم اللي عندك بس ترجعلك صحتك.. معلش مش قصدي أبقى عميق والله.. بس أصل أنا عملت عملية صغيرة أوي واتعلمت منها كتير أوي.. فقلت اكتب الكلام ده عشان لما أبقى كويس وأنسي النعمة دي الفيس بوك يفكرني».
إسعاف يونس
وخاض محمد أنور، أولى بطولة مطلقة له في عالم الدراما التليفزيونية، من خلال مسلسل «إسعاف يونس»، الذي عُرض عبر منصة «Watch IT»، وشارك في البطولة بجانبه، كلّ من سارة سلامة، وهشام محمد شرف، ومحمد علي رزق، وإيمان السيد، ومنة عرفة، وهناء الشوربجي، وأحمد محارب، وحسين حجاج، وآخرين، ومن إخراج معتز التوني.
وتدور أحداثه في إطار كوميدي حول طبيب يجسده محمد أنور، لديه طموحات وأحلام يتمنى تحقيقها، ومع تتابع الأحداث يدخل في قصة حب مع سارة سلامة.
