سهير وهبه
معنى اسمه الرب زكر
هو ابن براخيا ولقب بزكريا بن عِدّو بسبب وفاة والده في سن الشباب فانتسب إلى جده عِدّو
هنتأمل في الشخصية الرائعة لزكريا ونشوف هنتعلم منها ايه
1- زكريا الصديق الأمين
كان صديق مقرب لحجي النبي برغم أن زكريا كان مازال شاب صغير لكنه ارتبط بصداقة روحية مع حجي النبي وساعده في نبوته في ارشاد الشعب لبناء الهيكل
لدرجة انهم كانوا يطلقوا على حجي وزكريا " التوأمان"
2- زكريا النقي القلب
من أقوال الأباء يقول" إن كنت نقي القلب يصير قلبك سماء وترى نفسك الملائكة"
فكان زكريا صاحب الرؤى المتعددة
لدرجة انه شاف 8 رؤى متتالية في ليلة واحدة
3- زكريا المرشد
لما اورشليم اتدمرت واخد الشعب إلى السبي فقد الشعب طقوسه وفرائضه وسيطر عليهم الحزن واليأس
فكان يصوم أصوام غير مفروضة عليه " صوم الشهر الخامس والسابع ...."
زكريا كان مؤمن علشان املى الشعب لازم يتملي هو الأول
وكان بيملي نفسه بالصلاة والصوم والدراسة
4- زكريا القوي
زي ما كان قوي في ارشاده كان قوي في انتهاره للأشرار والمتهاونين
حتى انه استشهد بين الهيكل والمذبح
وهو اللي قال عنه السيد المسيح له المجد " سيأتي عليكم كل دم سفك على الأرض من دم هابيل الصديق إلى دم زكريا بن براخيا الذي قتلموه بين الهيكل والمذبح"
(تعالوا نطبق اللي اتعلمناه)
1- بقدر طاقتك حافظ على صداقتك حتى لو خانوك أصدقاؤك لا تكرههم وتكلم عنهم بكل خير
2-حافظ على قلبك نقي من أي مشاعر سيئة أو نظرات ردية أو أي شيء يعكر نقاءك
وافتكر ان " طوبى لأنقياء القلب لأنهم يعاينون الله"
3- علشان تكون مرشد لغيرك لازم تتملي انت الأول
اقرا كتير ، صلي كتير ، صوم قبل ما تكلم الناس عن ربنا
بدل ما تكون زي البغبغان اللي بيردد كلام بدون فهم
4 -اشهد للمسيح في حياتك بأعمالك وإيمانك هتلاقي كل الناس تتنجذب لربنا بسببك
صباح الخير على الجميع 💖🌹
