الأب جون جبرائيل الدومنيكاني
في الفترة دي في بعض الأشخاص بيدّعوا الإلحاد بطريقة عجيبة غريبة مريبة يقف أمامها الفلاسفة الملحدون ولسان حالهم يقول الإلحاد لم أوي!
هناك بالطبع عشرات الأسباب المنطقيّة والفلسفيّة اللي ممكن تخلي الإنسان يلحد، مينفعش نهملها ولا نقلل منها! لكن للأسف أغلب مدّعي الإلحاد في العالم العربي إلحادهم مش نابع من تفكير فلسفي ونقد تاريخيّ محايد. هو مجرّد رد فعل على تصريحات شيخ من هنا وكاهن من هنا وخلاص.
أكثر شيء يظهر عدم منطقية التفكير والسطحية هو إن شخص بيدّعي الإلحاد، ياخد تصريح شيخ مسلم معيّن، وبعدين يجيب بنفسه آية من العهد القديم، ثمّ هوب يقول بص المسيحيين بيؤمنوا بإيه؟!!!! انتي يابني انت فاهم بتعمل ايه؟
أوّلًا: لو مش عاجبك كلام شيخ معيّن لازم توجه نقدك له مباشرةً وتشوف بقى هل هو متناسق مع دينه وهل أغلب المفسّرين في دينه بيقبلو تفسيره الخاصّ ولا لأ.
لو في آية مش عاجباك في العهد القديم: لازم تسأل أو تدور أساسا اليهود بيفهموها اذاي دلوقتي وكانو بيفهموها اذاي من ٢٠٠٠ سنة.
ثالثًا مش معنى إن المسيحيين بيقدّْسوا العهد القديم إنهم بقوا يهود، لأن العهد القديم بيتفهم بطريقة مختلفة تمامًا عن اليهود.
في النهاية عاوز تكون ملحد خليك ملحد براحتك، لكن عالأقلّ خليك ملحد محترم ومفكّر. إذا تحوّلت من مؤمن غبي إلى ملحد غبي بماذا ستفيد المجتمع؟!
