بقلم جورج حبيب
ياللي شاغل بالك بحاجات كتير
اللي يخصك واللي ميخصش
عينك تعبت ولسانك ما بيسكتشس
عمال تنفخ في النار هنا وهناك
والنار تعلي والكل يترجاك
يا عم خليك في حالك
وبلاش تسرح بخيالك
وطبعا التوابل فيه منها كتير
وانت تحب تبهر ما انت بقيت خبير
تفتي في كل شيء
صحة ومجتمع ومفيش غيرك جدير
لا قلت في يوم اخليني في حالي
واحصر فكري واهتم بحياتي
ونسيت ان عندك حاجات كتير
محتاجه منك دراسة وتدبير
وانت يا مسكين مغرور
وعلشان غيرك واخباره تقع في الشرور
وموبايلك ما بيسكتش ومشغول
من نمرة لنمره بتطلب علي طول
وايه الفايده في النهايه خدت ايه
ضيعت غيرك بالكلام عليه
ادانه وكذب وخطايا كتير
وضياع لوقتك ودا شيئ خطير
ونسيت يوم حسابك
لا ينفع فيه اللي سمعته وجالك
والندم ما ينقذ اللي يجري لك
خليك في حالك يا عم
ما لك ومال غيرك حتشيل الهم
بص علي حالك وكفايه
وبلاش الف حكايه وحكايه
ابعد واقفل الباب
وابعد عن شريعة الغاب
اقفل بابك وادخل صلي
وقول له يارب ساعدني
دا انا انسان غلبان
وبعيد عنك يارب انا تعبان
تعبت من كثرة الكلام
والتجسس وشغل الاعلام
نفسي اعيش يوم في سلام
ابص علي نفسي وكفايه كلام
قاعده هاديه يا رب معاك
ما حلاها ساعه اقضيها وياك
اخرج منها وانا مليان سلام
وكفايه كلام وكلام
والنهايه دايما انا الملام
والناس مفيش حواليها
الا اللي جري واللي جري ليها
وهتسمع كلام كتير وكتير
من الصغير ومن الكبير
واخرة ده كله ايه
تعض صوابعك وتقول ليه
كنت فين يا لا وكان مالي
باللي جري واترجم في خيالي
ما كنت مرتاح وهادي
شاغل نفسي بس بصلاتي
دللوقت بقيت مشبوه
وكل مشكلة يقولوا هاتوه
اصله كان من المشاركين
في القيل والقال واحنا عارفين
وانت مسكين متورط في خطايا
وعمال تفتي والناس كلهم سبايا
كانوا بيثقوا فيك
ويا ما شهدوا ليك
يا ريت تفوق لحالك
وتنشغل باحوالك
وفي يوم تقف قدام الديان
ولا ينفع عذر ولا تقول انا غلبان
وما ينفعش تضحك علي الديان
اصله كاشفك وكله عنده منشال
