كتب - روماني صبري
قال الكاتب الصحفي والمفكر د/ عادل نعمان:" انا لست ضد (البوركيني)، لكن الملتزمة في هذه المسألة امامها خيارين.
مضيفا خلال حلوله ضيفا على برنامج (بالاصول)، المذاع عبر فضائية (الشمس)، يا تنزل في حمام السيدات، او في الوقت المخصص للسيدات في الحمام العام.
لافتا :" ثمة قرى سياحية وفنادق تخصص وقت للسيدات، فنجد بهما حمامات سباحة للسيدات، اذا لا يجب على الملتزمة ان تسبح في حمام سباحة به رجال وتعود تشتكي.
مشددا :" لابد من الالتزام بالنظام العام في المكان، وردا على سؤال " في حال تريد السباحة برفقة زوجها؟".
رد نعمان بقوله :" في نظام عام للنزول نحترمه، في فنادق متنزلش بالبوركيني خلاص متنزلش.
وتابع :" مش هي ملتزمة ومنضبطة تنزل في حمام السيدات بالمايوه الشرعي، هو حد منعها، والملتزمة مينفعش تفرض عليا وتقولي البوركيني زي اسلامي.
موضحا :" لان في صدر الاسلام مكنش في حمامات سباحة ومنزلوش، عشان اعرف الستات كانت بتنزل ازاي .
مشددا :" لست ضد البوركيني، بل ضد فرضه عليا كوني مسلم، على اعتباره زي اسلامي شرعي، هنا هقولك لاء.
كما شدد :" اللي ينزل بمايوه هو حر، كذلك اللي ينزل بشرعي هو حر، انا مالي انا، ومفيش حاجة اسمها ملابس اسلامية.
مستطردا :" حتى اللبس الباكستاني مش اسلامي، فالملابس لها علاقة بالشكل الاجتماعي لكل زمن، ولا علاقة لها بالدين .
