كتب - محرر الاقباط متحدون
قالت الروائية سلوى بكر في تصريحات تليفزيونية :" لما تحجب بنات اعدادي وتلغي حصة الموسيقى والرقص يبقى بتجهز انسان داعشي.
واشاد المفكر والطبيب خالد منتصر بهذه التصريحات وكتب عبر حسابه على فيسبوك :"
تحية للروائية الكبيرة سلوى بكر وتضامن معها على شجاعتها وعدم نفاقها وورفضها لمغازلة المزاج السلفي للبلد ، سؤال ..هو انتقاد تحجيب الأطفال وفرض أفكار عليهم أكبر من سنهم واستيعابهم ، ومحاصرتهم والتنكيد عليهم بقى يستلزم بلاغات ويحتاج رفع قضايا ازدراء ؟؟!!!.
ليه بترعبوا البنات في سن الزهور ده بجهنم اللي مستنياهم وإنهم حيتشدوا من شعورهم ع الصراط وينزلوا سبعين خريفاً في نار وبراكين مستعرة ويتحط في ودانهم رصاص مصهور لو سمعوا موسيقى وأغاني .
كل ده وهما لسه في سن البراءة؟؟ ..حيسألوا نفسهم كل ده حيحصل فينا عشان خصلة شعر بانت ولا طرطوفة ودن ظهرت ؟!!!حنتشوي للأبد عشان شوية شعر بيتنفسوا الهوا والحرية ؟؟! بتخلوهم عايشين صراع..يهمسوا لنفسهم احنا بنات ، والبنت بهجة وجمال ، بتصرخ كل طفلة أنا مخنوقه ومش عيب ان شكلي يبقى جميل ، وده مش معناه اني قليلة الأدب ، لكن شكل شعري بيفرحني أنا شخصياً ، ليه بتحرموني منه ، بأحس مع بروزة الجمجمة دي بإني بروزت معاها كل عيوب وديفوهات وشي وحرمتوني من تاج جمالي .
تبكي وأنتم تحرمونها حقها الطبيعي في الحياه كبنت وكطفلة تريد أن تحيا حياة طبيعية وهي متأكدة أن الرب الرحيم المحب الرؤوف خالق تلك المليارات من المجرات لايمكن أن يتعامل معها ويحاسبها ويقيمها ويعذبها على شوية شعر !!.
