يالهي قولي ازاي هتواسي
دا شعبك ياما إتألم
ياما شاف واكيد مش ناسي
ياكنيستي لأمتي هتأني وتعاني
دا صراخ شعبك له الف معاني
برغم كل ألامه وجراحه(٢)
بيقول دايما مسامح اللي أزاني
مهما شفتي منهم ارهاب
أو وروكي صنوف عذاب
الهك وعدك تفضلي صامده
مايأثر فيكي أي مصاب
خطف بنات.... قتل آباء
عمرنا ما فقدنا ف يوم رجاء
قتل ملايكه.....حرق كنايس(٢)
مع ذلك بنحب وبنسايس
مش عن ضعف أو حتي رياء
لانه علمنا ف الإنجيل
نحب الكل
عملناه لولادنا جيل ورا جيل
من غير مانمل
علمنا مسيحنا نحب الأعداء
حتي ان كانوا هما الداء
باركوا وحبوا ...إوعوا تهدوا
مهما كان ف الأرض شقاء
بس ألمنا
بيهد كياننا
لجهنم بيودي حياتنا
بدل الجنه
طب نعمل ايه
احنا بشر ياناس
بتغيروا ليه
طبعنا الحساس
بتودوا الحب والود
لسكه شر ورصاص
فكرتوا بتخويفنا ..راح نخضع
و بإرهابنا..... ييجي يوم نرجع
لا
دا ياما دقت ع الراس طبول
وف عز الضلمه الهنا بيوجدحلول
و اللي ظلمنا..واللي ازانا
ماشاف ف حياته يوم النور
بلدي بناسها الطيبه هتربح
مصر الحلوة جايه
وارهابكم لجهنم يرجع
مصرالحلوة هترجع تاني
بمحمد وبمينا وأماني
وندمكم عمره ماينفع
اللهم بلغ واشهد... يازماني
