جماهير الإسماعيلي كسروا الأتوبيس وضربونا.. ماذا قال أحد مشجعي النادي الأهلي في التحقيقات؟

 

ينفرد القاهرة 24 بنشر التحقيقات في القضية والتي حملت رقم 4139 لسنة 2022 جنح الوادي، والمعروفة إعلاميا بقضية التعدي على أتوبيس النادي الأهلي، وجاءت أقوال أحد مشجعي النادي الأهلي من المجني عليهم كالآتي:-

 

ج: إحنا كنا رايحين نشجع النادي الأهلي في الماتش، وقلنا نقف نصلي العصر في واحة العرب على الطريق الصحراوي وأول ما وقفنا، لقينا مشجعين نادي الإسماعيلي جايین علينا وهجموا على الأتوبيس، هاجمين وتعدوا علينا بالضرب وكسروا الأتوبيس.

 

ج: تكسير الإزاز اللي قدام والإزاز اللي في الجنب اليمين كله.

 

ج: هما حدفوا الإزاز بطوب كان معاهم وكان بيحدفوا بمياه سخنة بتاعت الشاي وماية سخنة في أزایز.

 

ج: أنا مشقتش غير الطوب اللي اتحدف على الازاز ومياه سخنة ومكنش فيه أدوات تانية.

 

چ: هو ملك مينا مجدي رشدي بخيت واللي كان سايقه عم شريف.

 

ج: معرفش اللي يحدد الكلام ده صاحب الأتوبيس.

 

ج: لا محدش اتصاب هو الإزاز اتكسر بس عشان وقفنا بعدها وملقتش حد اتصاب هو أنا اضربت بالإيد بس محصلتليش إصابات.

 

ج: هما سبوا الدين وقالو يا ولاد كذا ويا ولاد كذا ويا كذا ويا فريق ابن كذا يا فریق ابن كذا احنا هنعمل كذا فيكم وقعدوا.

 

ج: عشان إحنا جمهور الأهلي فشتمونا وهو شتمني كمشجع للنادي الأهلي مش كشخص يعرفه.

 

ج: لا إحنا ملحقناش ننزل بس إنا موبيلي وقع ساعة النزول ومعرفش مين اللي خده.

 

ج: الموضوع مكملش خمس دقايق كنا اتحركنا بالأتوبيس.