قصيدة تبكى عن الطفل شنودة '>مأساة الطفل شنودة للشاعرة نورا فريد: اسمي شنوده ودي حكايتي
كتبت والقت الشاعرة نورا فريد قصيدة تبكى القلوب عن الطفل شنودة '>مأساة الطفل شنودة الذى تم نزعه من والديه وايداعه فى دار الايتام ورغم حملة الغضب بالرأى العام المصرى فحتى الان لم يقدم المسئولين اى حلول ومازالت وزارة التضامن الاجتماعى " ودن من طين وودن من عجين "..
واليكم قصيدة نورا فريد :

اسمي شنوده هحكيلكوا حكايتي
جيت ف الدنيا والهم بدايتي
مرمي  علي أرض   كنيسه
معرفش انا مين ولا مين  عيلتي
                ###########

شالني ابونا م الارض بإيده
عطاني لراجل وكان يوم عيده
اداني امان وراني حنان
وكأني يدوب لسه وليده
                  ####$####

ومراته دي كانت كل الحنيه
قلت دا ربي بعتها هديه
كانت امي وكانت حبي
وكانت ف الدنيا كل ماليا
                ########

ف لحظه كله ضاع وانهار
دموعي بقت سيول وانهار
من حضن العيله خطفوني
ومع الأيتام .. دخلت الدار
             #########

بعد ماكنت بعيش  ف العز
لقتني نايم ف سناني بجز
واخد بس الخوف ف احضاني
لا أب يشيل ولا أم فيا تهز
                ######## ###

قولولي يابشر كدا راضيين
ازاي هتقابلوا رب الكون
و تلبوا حساب يوم الدين
ازاي بتناموا  بسهوله
بعد ماحولتوا حياتي لغم  وهم
وبكا وانين
         ############

فين الفايده وفين المكسب
أيه الحجه وايه المذهب
ناس يا ناس عملت خير
يروحوا لمين وفين المهرب
           ###########

صحيح أنا طفل صغير
مش عارف أوصف ليكوا
لكن لو شفتوا دموعي
هي توريكوا
انا بنزف دم وكلي أذيه
انا كنت للكره ضحيه
قطعتوني ياناس بإيديكوا
إستخسرتوا  شويه حنيه😥
لو إنسان دافع عني
لو جوة ضلوعك قلب
لازم ترحمني
لو الدنيا دي مش غابه
 تساعدوني ارجع
لحضن أمي