كتب - محرر الاقباط متحدون
قال عمرو سلامة '>المخرج عمرو سلامة :" في عدد كبير من الفنانين وطاقم العمل مش موجودين في مصر زي الأول علشان يا إما بيصوروا في السعودية لغزارة إنتاجها الآن، أو في لبنان لسهولة الإنتاج فيها.
مضيفا عبر حسابه على فيسبوك :" كان عندنا مشكلة كبيرة إن الأعمال العالمية بتتصور في دول كثير مجاورة زي الأردن ومغرب ودلوقتي كمان تونس وتركيا والسعودية، وصعب عليها تيجي مصر بسبب معوقات كثير وده بيضيع علينا عملة صعبة وفرص استثمار تساعد الاقتصاد.
وتابع :" دلوقتي كمان في ارهاصات هجرة للكوادر المحلية وكمان لعملية الإنتاج المصري نفسها، وده بيضعف صناعة مصر كانت رائدة فيها لميت سنة فاتت، وكانت مصدر دخل ورزق وقوة ناعمة، ومش بس بتضيع فرصة لتحسين الاقتصاد لأ كمان بنأثر عليه بالسلب.
واختتم :" برافو على كل الدول المجاورة لمحاولاتها لبناء صناعتها ولجذبها لفرص الاستثمار والعمل.
وأتمنى يكون في أمل إن مصر تتدارك المشكلة وتحلها بسرعة من جذورها قبل فوات الأوان.
