- بتحسي ان عضمك بيوجعك ومش قادرة تحددي مكان الوجع فين بالظبط ؟
- كل يوم الصبح بتقومي جسمك مكسر وحاسة دايما بالأجهاد؟
- كتير بتحسي بوجع اسفل الظهر او منطقة الرقبة؟
كل الأعراض دي ممكن كتير نحس بيها لكن مش عارفين اية سببها ..
ببساطة جدا أغلب الأعراض دى بتكون بسبب نقص الكالسيوم فى العضم (هشاشة العظام)...
د. أمير فهمى زخارى المنيا
- أكتر ناس معرضة لهشاشة العظام هما السيدات خصوصاً فوق ال50 سنة اللي نسبة إصابتهم بيه بتكون أربع أضعاف الرجال، ودة بسبب نقص الهرمون الأنثوي (الأستروجين) بعد توقف الدورة لديهم مع التقدم فى العمر.
- في بداية المرض، بتكون هشاشة العظام تقريباً مالهاش أعراض، لكن مع زيادة الهشاشة بتبدأ تظهر أعراض على المريض في صورة نقص في الطول، وألم خفيف في العظم والعضلات خصوصاً في الرقبة ومنطقة أسفل الظهر..
- في المراحل المتقدمة للهشاشة بيبدأ المريض يجيله ألام حادة في العظام، وكتير بيحس بالألم فجأة في منطقة معينة، وبتزيد حدته مع الضغط على المنطقة دي أو مع أي حركة بيحمل فيها المريض وزنه على العظمة اللي صادر منها الألم..
- الألم الحاد ده بيكون نتيجة لكسر حصل في العظمة اللي فيها درجة هشاشة عالية، وفي الغالب الكسر بيحصل بشكل ذاتي بدون ما المريض يقع أو يتعرض لإصابة، فقط بتأثير وزن الجسم على العظمة، أو في بعض الأحيان بيكون المريض اتعرض لإصابة خفيفة أقل من انها تسبب كسر لعظمة في حالتها الطبيعية..
- أشهر المناطق اللي بتحصل فيها الكسور الذاتية هي القدم والظهر (العمود الفقري).. وهشاشة فقرات العمود الفقري بتعمل نوع من الكسور بنسميها الكسور الانضغاطية ودي بتكون السبب في قصر طول المريض وكمان تحدب الظهر..
- أهم النصائح للوقاية من الإصابة بهشاشة العظام هي:
1: يحتوى الحليب على نسبة كبيرة من الفيتامينات والعناصر الغذائية التى تساعد فى بناء العضلات وتعزيز صحة وقوة العظام، كما انه يحتوى على نسبة كبيرة من فيتامين د اللازم لامتصاص الكالسيوم، لذلك ينصح دائما بشرب الحليب.
2: تعتبر الأسماك من الأكلات الضرورية لصحة وبناء العضلات، لذلك ينصح بتناولها دائما للوقاية من هشاشة العظام، خصوصا سمك السردين والماكريل.
3: تحتوى الخضراوات الورقية على كمية كبيرة من الكالسيوم والبوتاسيوم الذى يعزز صحة العظام، فمن الممكن تناول الخضراوات دائما على مدار اليوم.
4: الحد من تناول الكافيين (الشاى والقهوة والكاكاو والمشروبات الغازية)، حيث إنه يؤثر على العظام ويسبب الهشاشة والكسور ويسحب الفيتامينات من الجسم.
5: الاهتمام بممارسة التمارين الرياضية (المشى نصف ساعه يوميا)، حيث إنها تحمى الجسم من الاصابة بالأمراض وتعزز صحة العظام والعضلات والمفاصل.
6: الابتعاد عن التدخين (سواء الإيجابية او السلبى)، حيث أثبتت الدراسات والأبحاث أن المدخنين أكثر عرضا للإصابة بهشاشة العظام عن غيرهم.
7: الابتعاد عن الاكتئاب والضغوط والانفعالات النفسيه، حيث إنهم ينتجون الكورتيزون وهو هرمون يسبب الإجهاد الذى يستنزف المعادن من العظام، ويؤدى إلى كثافة عظام أقل.
تمنياتى بالصحه والعافيه للجميع.
د. أمير فهمى زخارى المنيا
