د. أمير فهمى زخارى المنيا
طيب فيه اربع هرمونات اساسيه اضطراباتهم المتكرره هي الي بتؤدي لعدم فقدان الوزن بشكل صحي وبتلاقي نفسك في دايره مغلقه من انك بتقللى الاكل اوي فبتخسى واول ما ترجعى للآكل الطبيعي تزيدى كل اللي خسيته😞
في البوست ده هنتكلم عن أول هرمون...
👈هرمون الكورتيزون "هرمون التوتر"
الهرمون ده بيكون عالي الصبح اول ماتصحي علشان يمدك بالطاقه وبينخفض تدريجيا اثناء الليل علشان يساعدك علي الاسترخاء و النوم بعمق..
الهرمون ده متخزن في الغدد و بيخرج بشكل غير متوازن في حاله ان مرور الجسم بالحالات ديه👇
١- نقص السكر في الدم.
٢- الاجهاد البدني الشديد.
٣- الضغط التفسي.
٤- الرياضه العنيفه.
ه- قله النوم.
٦- النظام الغذائي منخفض السعرات.
كل الاسباب ديه بتؤدي الي اضطراب مستوي هرمون الكورتيزون في الجسم
طيب ده خطورته ايه؟؟
1-زياده في الوزن.
2- تركيز الدهون في منطقه البطن (الكرش)ده من اخطر انواع السمنه الي بتؤدي لامراض زي القلب ، والجلطات، و كمان بيسبب ارتفاع في ضغط الدم والسكر.
3- خلل في وظائف الغده
الدرقيه...
علشان كده مهم اوي ان الاكل الي بتاكليه يكون بيأثر علي افراز الهرمونات بشكل صحي وتحاولى بقدر الامكان عدم تعرض الجسم بشكل متكرر للحالات المذكوره فوق👆
غير كده حتي لو حرمتي نفسك من الاكل وعشتي علي المياه مش هتخسي بسهوله!!
هنتكلم في باقي اسباب عدم فقدان الوزن في المقالات اللي جايه باذن الله...
د. أمير فهمى زخارى المنيا
