كتب: محرر الأقباط متحدون
سنت السكاكين بالامس على الفنانة منة شلبى بعد القبض عليها عند عودتها من الولايات المتحدة الأمريكية وبحوزتها بعض المنتجات التى تحتوى على مواد مخدرة منها "الماريجوانا" وتم إخلاء سبيلها بكفالة مالية قدرها ٥٠ الف جنيه.
وفي الوقت الذى هاجمتها الجماهير كان اصدقائها وزملائها يتحدثون عن الإنسانة التى يعرفونها والتى بالنسبة لهم بعيدة عن هذه الاتهامات.
فحكت الفنانة نشوى مصطفى موقف حدث معها في مسلسل وكيف كان رد فعل منة معها ، فقالت "من حوالى ٢٠ سنة واكتر كنت مرشحة للمشاركة فى بطولة فيلم سنيما نص رائع شركة انتاج محترمة واخراج عظيم ومجموعة عمل شديدى الموهبة كنت فرحانة جداً لان الدور كان ممكن يقدمنى بشكل هايل قعدت اذاكر الدور واحضر فيه فيه انتظار اوردر التصوير وفجأة لقيت الفيلم بيتصور ودورى بتعمله زميلة تانية طبعاً تعـ.ـبت جداً نفسياً جداً مش علشان معملتش الدور علشان محدش كلمنى اعتذر لى او بلغنى انهم استغنوا عنى تصرف انسانى بسيط بس كان حيطبطب عليا انا مااتصلتش بالمنتج ولا الاخراج اطلب منهم دور هما اللي رشحونى وكان واجب يعتذرولى المهم زميلة واحدة هى اللي كلمتنى وجبرت خاطرى وطبطبت على قلبى قالت لى كان نفسى امثل معاكى لانى كنت حازيد منتهى الطيبة والانسانية الممثلة دى هى منة شلبى ربنا يفك كـ.ـربك ويجبر خاطرك ويطبطب على قلبك وينجيكى ويسترك .
