لله يا محسنين رئيس ينقذ مصر . حسنة قليلة تمنع عن مصر بلاوي كثيرة . 

رصيف الشحاتين محجوز لشحاتين الحسنة الوطنية . مصر فقرت و مفيهاش راجل واحد جدع . و اللي عنده واحد جدع واحد ابن مصر صحيح شارب من نيلها و حبها بيجري في عروقه و راجل عند كلمته يقول لنا نروح نشحته قبل ما كل البلد تبقي قاعدة علي الرصيف تشحت. 

تخيلوا معي رب اسرة في شارع من شوارع مصر الحزينة . قاعد من اولاده وقال لهم عارفين يا ولاد أن لو بقيت ريس حعمل عمايل ما حصلتش قبل كده . اول حاجة حعملها زي كل يوم ما بروح الجامع اصلي الفجر . و بعدها اروح المكتب اشتغل علي حل مشاكل مصر . 

فرد عليه الواد ابنه قليل الادب وقال له . يعني لو بقيت ريس انا حبقي ابن الريس و ابقي مشهور و لي حرس . 

فردت عليه أم احمد وقالت له يا واد انت مش همك غير انك تبقي مشهور و يبقي لك حرس . خلينا نسمع من ابوك الراجل الحر اللي بيعرف ربنا حيعمل ايه . 

و النبي يا سي محمد تقول لنا حتعمل ايه ؟ 

فقال لها سي محمد انتي يا ام العيال نفسك في ايه . 

قالت له نفسي البلد تنضف و الناس تنضف . 

فقال لها طيب نلم الزبالة كده البلد تنضف طيب ننضف الناس أزاي يا احمد ؟ فقالت له بالقدوة الحسنة يا سي محمد . 

اما الناس تشوف الريس بيصلي كل فرض بفرضه في الجامع. كل حاجة حتتحل بأذن الله. 

ويشوفوا طلعتك البهية بدقنك السنية و أنت كده قاعد قدام المشير و الفريق و اللواء و الوزراء.

اهه المشير ده حكاية لوحده هو والعصابة اللي معاه لكن الريس بديع وعدني هو و الفتوه خيرت أنهم حيخلصوا الموضوع معاهم . 

ازاي يعني يا سي محمد يخلصوا الموضوع معاهم . متشغليش بالك يا أم احمد انت عارفه شغلنا كل علي ميه بيضه.  

يا سي محمد و النبي تشوف لك حل في اللي عاملين نفسهم طيبين وهما وش الكفر كله .

مين يا ام احمد ؟ يا سي محمد الاقباط اللي عاملين هيصة و مش عاوزينك تبقي ريس و بيقولوا عليك لا مؤاخذه الاستبن . 

يا ام احمد ما يهمكيش صفوت عامل اللازم هو و العواء شاغلين بالصلاة علي النبي تمام في التلفزيون و مولعين الدنيا عليهم . و لعلمك المشير و اللي معاه قايمين باللازم مشفتيهمش وهما بيسحلوهم بالعربيات المصفحة و بيرموهم في النيل . غير العيال القناصة بتوعنا بقوا متوتكين من ايام موقعه الجمل و محمد محمود و بقت ايدهم شغالة بعد ما دربناهم في غزة. 

اوعدك يا أم احمد في 100 يوم حخلص لك كل اللي انتي عاوزاه يا أم العيال. 

ياسي محمد و النبي لي طلب صغير عندك . 

قولي يا ام العيال ... 

اوعي تتجوز علي واحده صغيرة زي ما اللي قبلك عمل و اتجوز بنت وزير الشباب بتاعه . 

يا أم احمد أنتي بتصدقي الإشاعات اللي كنا بنطلعها عليه ، الراجل مكنش نافع لواحدة كان حيتجوز واحده ثانية . 

و بعدين شجرة الدر كانت ضربته بالقبقاب في وسط القصر الجمهوري. 

طيب يا ريس الشر بره وبعيد لو معملتش حاجة بعد ال 100 يوم . حتعمل ايه في وعدك للناس و متنساش الوعد قدام الناس مش للناس ده وعد ل الله عز وجل ؟ 

يا أم احمد انا وعدت ولو ربك عاوز يبقي كله تمام ولو ربك مش رايد يبقي ارادة الله يا أم احمد . 

ونعمة بالله يا سي مرسي . بس وعد الحر دين عليه ؟ 

جري ايه يا أم احمد انتي معايا ولا معاهم . 

يا سي محمد أنا و الحمد الله معاك انتي سيدي و تاج راسي . بس ما حبش الناس تقول انك لمؤاخذه كذاب و بتوعد وعود مش قدها و تخلف وعدك. 

أن شاء الله قولي أن شاء الله . هو يعني أنا مغسل و ضامن جنه ؟ كله بتاع ربنا و بعدين أحنا عندنا حاجات مهمة جدا. 

زي ايه يا سي محمد ؟ 

اول حاجة اروح اعمل عمرة وبعدين ألف العالم أقابل الرؤساء و اخذ صور تذكارية معاهم . ونفسي أروح الصين اشتري لي بدلتين علشان لزوم الرياسة . 

لا ياريس هو انت مش حتروح ايطاليا ابقي اشتري من هناك هم صحيح منبع الكفر كله ، لكن ذوقهم حلو و البدل بتاعتهم زي الفل . خد بالك يا سي محمد يكون حجرهم واسع شويه علشان بس في الصور ما تطلعش و انت بتعدل نفسك و تبطل العادة الهباب دي . 

جري ايه يا ام احمد ما انتي عارفه انا اصلي مش واخد علي السليبات ، خلينا في المهم انتي طابخة لينا إيه النهاردة . 

الصراحة ياسي محمد الخضار شحيح شويتين اليومين دول لكن عم سرور الفكهاني بيقول أن المنجة السنة دي مظروته فقلت اعمل لك صنية منجة بالضأني. 

علشان فترة رياستك يا ريس تكون حلوه زي المنجة أن شاء الله. 

يرن التليفون و الوله أحمد ينده علي ابوه ..

يا ابا ولي النعمة علي التليفون... 

مين فيهم يا احمد ؟