كتب: محرر أقباط متحدون
حذر الفنان السورى مكسيم خليل من قيام البعض بسرقة الاعانات التى تصل لمساعدات المتضررين من الزلازل، وطالبة كل شخص يرى ذلك يحدث أمامه بأن يقوم يفضحه.
وكتب عبر حسابه على إنستجرام : "نداء لأصحاب الضمير، بتقدر تحكي شو شفت وتفضح هادول الاشخاص بالاسم تحت، بالصور المرفقة عينة من رسائل كتيرة عم توصل انه هلأ وبهذا الوقت المأساوي يلي عم يعيشوه السوريين وبعد مرور كم يوم على وحدة من اكبر الكوارث .. المصحوبة بعواصف وبرد قاسي هالوقت يلي الناس عمتستنى خبر عن احبابها او عن لهفة من حدا".
"مع الاسف في ناس تسرق و تخبي و تبيع الاعانات .. في منهم شيوخ وفي منهم مخاتير وفي منهم هلال ومنظمات وفي منهم جيش وتجار.. طبعاً البعض لانه اكيد في ناس عمتشتغل بكل اخلاص.. يلي عماحكيه موجود بكل مناطق سوريا بلا استثناء ..حلب ،اللاذقية ، جبلة ،ادلب ، جنديرس .الخ".
"مابعرف شو ممكن يقول الواحد ..لانه اكيد يلي بيعمل هيك وبهيك وقت معدوم الضمير والانسانية و مافي شي ممكن يخليه يفكر باخواته السوريين المتضررين ولا حتى بالسوريين يلي في منهم قرر يشيل اللقمة من تمه ليساعد اهله بسوريا، هدول الاشخاص يلي عم يستغلوا الوجع ليحققوا ربح.. الامل منهم مقطوع …ندائي هو للناس الحقيقية والنضيفة..ندائي هو للمؤثرين والفنانين انهم يساهمو بضبط هدول الامور ..انتو يلي بتقدرو تفضحو هدول الناس و تحطوهن قدام الاجراءات القانونية المناسبة".
"برجع بأكد الموضوع ما بشمل الجميع بس الاكيد انه عميأثر على كل اشكال التبرعات المالية والعينية. يلي ماعنده ضمير مارح يفيق هلأ ضميره، بس الامل بلي عنده ضمير، وانا رأيي ممكن يكون هون مكان تحكوا شو عم يصير و شو شفتو بالاسم".
