كتب: محرر أقباط متحدون
أشاد المخرج عمرو سلامة بمسلسل "بالطو" الذى يعرض على منصة Watch it ، واختيار بطل العمل غير معروف.
وقال "سلامة " على صفحته على الفيسبوك " مبسوط جدا جدا بمسلسل بالطو، مبسوط أولا إن في مسلسل شبه ده تم إنتاجه،مبسوط إن منصة Watch it اختياراتها زي (تحقيق) و(ريفو) و(بالطو) بتقول إن في أدمغة ذكية بتختار جوا المنصة وبتفكر صح.
مبسوط إن بيعة المسلسل للمنصة مش قايمة على مين النجوم، وإن بطل المسلسل مش نجم صف أول أو ثاني ولو إني من زمان ميقن ومتوقعله قريب إنه هيكون نجم مهم.
مبسوط بالأدوار الثانية جدا.
مبسوط إنه مستوحى من كتاب.
مبسوط بالكتابة السلسة.
مبسوط من الإخراج الذكي.
مبسوط بالمونتاج الرشيق.
مبسوط إن بقى في تنوع، في جيل فنانين وفنيين جديد بيظهر.
أتمنى الناس تقبل على المسلسل وبتمنى من كل قلبي منصة Watch it تكبر وتقدر في يوم تنافس وسط ظروف منافسة مش في صالحها خالص.
