سهير عيسي
أين أنتم من هذا البلاء الذى ينتشر كل ساعة بين الشعب
كل ما نسأل تاجر أو عامل خدمة معينة يقول
" روحوا اسألوا السيسي"
ونحن الشعب نسألك يا ريس يا قائدنا
لماذا لم تحمينا من بلاء الأسعار كما كنت تحمينا من وباء كورونا؟!
أليس الشعب يحتاج احترازيات من هذا البلاء كما كانت الدولة تعمل احترازيات من فيروس كورونا
كنا فى حظر بعد الأوقات
عشان نحارب الفيروس وايام الإرهاب كنا في حظر التجوال لمواجهة العنف والإرهاب
هل بلاء الأسعار ليس له خطورة على الشعب أكثر من الإرهاب والفيروسات
أليس نحن في حرب ؟!
من المسؤول؟!
لما حتى الأكشاك اللى مفروض بترخص الأسعار رفعت وغلت الأسعار وبقت دمغة بوسطة كل اسبوع السعر يزيد ولما نسأل يقال
" احنا ملناش ذنب روحوا اسألوا ٠٠٠٠"
ماذا بعد ؟!
من يقدر على هذا البلاء؟!
مش هتكلم على فراخ ولا لحمة ولا رز ولا زيت اللى بقى ٧٠ج ولا جبنة ولا بيض عشان اللى بيقبضوا بالدولار.
قالوا بلاش بيض أو كفاية ٢ بيضة لا مش عاوزينهم حتى
هتكلم على العيش اللى مش بس بيغلى بصورة غبية لأ كمان هههههه" بيكش"
ولما نسأل يقولوا " روحوا اسألوا السيسي" غلي الدقيق وغلى السولار وغلى وغلى وغلى
طيب الفول والطعمية هما كمان بيغلوا بصورة غريبة والأغرب حالة (الكش) اللى فى قرص الطعمية والساندوتش هههههه
والمواصلات اللى المواطن مش يقدر يستغنى عنها عشان شغله
سايبنا لى للجشع والاستغلال
طيب
هنقول أن كل دا ممنهج لقلب الشعب على حكامه وعلى بلده
السؤال هنا :
أين هؤلاء الحكام واين البلد من هذا البلاء المنتشر والمتوغل فى الشعب؟!
"نحن مع بلدنا "
"نحن نتمنى أن تكون أفضل بلد في العالم"
"نحن نضحى طول عمرنا من أجلها بالغالى"
لكن هل هذه البلد
" أم الدنيا"
لا تقدر على حماية شعبها من هذا البلاء
بالله عليكم ألحقوا المصريين ولا تعطوا فرصة لأحد إخراج اسوء ما فيهم
وكفى
