محرر الأقباط متحدون
علقت الفنانة لوسي على تصريحات بعض الفنانين المعتزلين بشأن حرمانية الفن، وتبرير اعتزالهم بـ أسباب دينية.
وقالت لوسي، خلال ندوتها في تصريحات صحفية: الحرام والحلال حاجة جديدة علينا، وطول عمر الفنانين بيطلعوا ببدل الرقص والمايوه، وكان في مشاهد حميمية وبيتباسوا.
لوسي: الفن مش حرام
وأضافت لوسي: اللي بيحرم أنت إيه عرفك أني هروح النار ما يمكن أنا عند ربنا أفضل منك؟، والفن عموما مش حرام لأنه بيتعمل في النور، وأنا برقص واللي مستحرم يدعيلي ميحضرش حفلات.
لوسي: لو توفيت ببدلة رقص ربنا هيسترني
واستكملت لوسي: لو توفيت بـ بدلة الرقص ربنا هيسترني، وأنا عندي صفحة عند المولى عز وجل وكاتب فيها حياتي، هل لما أموت هيقولي خشي يا لوسي النار عشان بترقصي؟ يمكن أنا بعمل حاجات أحسن من الرقص.
لوسي: الجمهور ملوش دعوة انا متجوزة ولا منفصله
وأوضحت لوسي: أنا بقرأ القرآن الكريم قبل ما أصلي الفجر، والجمهور مالوش دعوة أنا متجوزة ولا منفصلة ولا بلبس مايوه ولا كت ولا برقص أو علاقتي مع ربنا، وحق الجمهور بس يحكم على شغلي؛ لأن في النهاية ربنا بس هو اللي بيحاسب، وربنا رب قلوب، وأنا بزكي وبعمل خير وبركع لربنا ومش لازم أطلع أقول.
أعمال لوسي
يذكر أن لوسي، تشارك في مسلسل المداح 3، الذي تدور أحداثه حول صابر المداح، الذي يخوض حربًا جديدة مع الحن بعد ساعات من ولادة طفله، حيث يشكل ابنه خطرًا كبيرًا على حياة صابر ومن حوله.
ويضم مسلسل المداح 3، نخبة من أبرز النجوم، منهم: حمادة هلال، لوسي، يسرا اللوزي، هبة مجدي، دنيا عبد العزيز، محمد رياض، حنان سليمان، أحمد ماهر، والعمل من تأليف أمين جمال، وإخراج أحمد سمير فرج.
