كتبت:رضوى النبراوي
مستشفى سيد جلال معاك يا اسطى 🤗
هو سيد جلال دكتور كبير؟ لا ماكنش دكتور دة كان رجل صناعة مهم جدا و مصري صعيدي من أسيوط اتربى يتيم الأبوين و اشتغل في كذا شغلانة من هو عندة ٩ سنين لحد ما اشتغل ساعي في شركة نقل بحري يونانية في بورسعيد و اتعلم الاستيراد و التصدير و اتصاحب مع الاجانب و فتح شرك للاستيراد الغلال القمح و الدقيق في القاهرة و بقى من كبار رجال الغلال في منطقة الساحل👌
دخل سيد جلال مجلس الأمة عن دائرة باب الشعرية سنة ١٩٣٤ و اول طلب احاطة قدمه هو إلغاء بيوت الدعارة في شارع كلوت بيه و كان تابع لدائرة باب الشعريه المرخصة قانونيا و منع الترخيص نهائي في مصر 👏
قابل كثير من المناهضين للالغاء و ظل لمدة ٦ سنوات يسعى للالغاء، لحد في يوم فكر في مقلب 😁 لوزير الشئون الاجتماعية ( جلال فهيم باشا) دعاه يفتتح مدرسة في باب الشعريه و اتفق مع سواق الحنطور انه يلف و يدخل بيه شارع كلوت بيه،
و بس من ساعتها الوزير ماشافش النوم من اللي جراله من البنات اللي بتشتغل في كلوت بيه لدرجة هدومه اتقطعت و طربوشه وقع عالارض 👏👏😁
و مفيش كام يوم أصدر قرار بإلغاء تراخيص الدعارة في مصر المحروسة من شرقها لغربها 🇪🇬👌
سيد جلال بني المستشفى اللي تحمل اسمه علي حسابه لأهل دايرته و دلوقتي تابعة لجامعة الأزهر
ظل ٥٠ سنة في مجلس الامة عن دايرة باب الشعريه و محدش قدر ينافسه من ١٩٣٤ ل ١٩٨٤ 😊👏👌
رضوى النبراوي
