كشفت التحقيقات في قضية هبة السيد صاحبة قناة أم زياد وهبة بمواقع التواصل الاجتماعي المتهمة فيها مع ابنها وزوجها في ارتكاب الأولى جريمة الاتجار بالبشر، بتعاملها في أشخاص طبيعيين هم أطفالها، حيث استخدمتهم بإظهارهم في مقاطع مرئية نشرتها عبر حساباتها بمواقع للتواصل الاجتماعي من أجل رفع نسب مشاهداتها، للحصول من إدارات تلك المواقع على أرباح زائدة نظير تلك المشاهدات، واشترك معها المتهمان الآخران بطريقي الاتفاق والمساعدة في ارتكاب تلك الجريمة.
التحقيقات في قضية البلوجر هبة السيد
ويواصل القاهرة 24 نشر التحقيقات في القضية التي حملت رقم 7944 لسنة 2023 مركز الخصوص، والمتهمة فيها البلوجر هبة السيد وابنها وزوجها.
وجاء نص التحقيقات كما يلي:
س: ما مدى متابعتك لوسائل التواصل الاجتماعي؟
ج: أنا كنت بتابع قنوات اليوتيوب قبل ما أعمل قناة وكنت معجبة جدًا بقناة البلوجر حمدي ووفاء، وأحمد حسن وزينب وقناة شاور وقنوات الطبخ بس مش فاكرة اساميهم ايه.
س: وما بادرة عملك بنشر المقاطع على حساباتك؟
ج: انا لما كنت بتابع القنوات اللى انا قولت عليها واللي موجودة على اليوتيوب ومحمد ابنى قالي ان القنوات دي بتكسب فلوس كتير وقالي ان اللي بيقدموا محتوى القنوات دول يسافروا دبى وامريكا وبيبقوا اغنياء جدا اللى شجعني فكرة انى أعمل قناة على اليوتيوب وحساب تجاري على فيس بوك وأنشر يومياتي وانا بطبخ، وبعد كدة لقيت ان الناس بيتابعوا اكثر القنوات اللي فيها يوميات عائلية فقررت إنى أظهر أولادي في القناة عشان المتابعات تزيد والقناة تتشهر وتحقق ربح.
س: ومتى كان ذلك؟
ج: احنا فتحنا قناة على اليوتيوب من حوالى 3 سنين باسم قناة ام زياد وهبه واللي كان اسمها في البداية ست البيت للطبخ وفتحنا حساب تجاري على الفيس بوك صفحة باسم هبة سيد من حوالي سنة ونص وفتحت حساب شخصي على التيك توك باسمي من سنة وكام شهر، بس مش فاكرة امتى بالضبط وعملت حساب شخصي على تطبيق الانستجرام باسمي من سنتين.
س: ومن أنشأ لك تلك الحسابات؟
ج؛ محمد ابني هو اللي عمل الحسابات دي كلها ومعاه الباسوردات بتاعتها، ماعدا القناة الجديدة اللي على اليوتيوب أنا اللي عملتها واسمها يوميات ام زياد وهبة.
