كتب - محرر الاقباط متحدون
أجاب نيافة الانبا رافائيل اسقف عام كنائس وسط القاهرة، على سؤال يقول "لماذا تجسد السيد المسيح وصلب، اليس هو الاله القادر ان يغفر اي خطية في العالم دون تجسد ؟."
واوضح نيافته خلال تقديم برنامج (تيناهتي) المذاع عبر قناة "مي سات" القبطية الارثوذكسية، ان الله وضع قاعدة للبشر وهي اية " مبرىء المذنب ومذنب البرىء كلاهما مكرهة للرب" .
وتابع :" يعني انت لما تحكم على إنسان انه مذنب وهو بريء ربنا بيكره دي ، بكل تأكيد هذه القاعدة ربنا بيعمل بيها لانه اله عادل.
واضاف :" فلما ادم يغلط وربنا يقوله براءة بدون سبب يبقى كدة يبرىء المذنب وبكده هنقول ده ربنا سهل وطيب فنعمل خطايا ونقول هيعديهالنا .
لافتا :" لكن لما يقول اجرة الخطية موت وبدون سفك دم لا تحصل مغفرة يبقى فعلا هو مغفرش خطية ادم وخطايانا اعتباطا مش اونطة ده هو دفع التمن ، عشان كدة كان لازم يتجسد ويفدينا بدمه .
