محرر الأقباط متحدون
كشفت الفنانة رانيا يوسف عن رأيها في بعض الانتقادات التي توجه إليها، حيث أكدت أنها لا تسعى لإثارة الجدل.
وأضافت، خلال لقائها مع «onetv Lebanon»: «أنا مش جريئة.. أنا مختلفة، لكن أنا مش بحاول أثير الجدل ولا حاجة، أنا بالعكس شخصية طبيعية جدًا عايشة حياتي بطبيعية بلبس اللي بيعجبني وبيليق عليا».
تابعت: «يمكن ده مختلف عن المجتمع المصري شوية لأنه متحفظ شوية، أنا تربيتي مختلفة فيه شوية جرأة لأني إتربيت في جو فيه مساحة من الحرية بتخليني أختار اللي أنا عايزاه وأخد قراراتي بنفسي وفي الآخر أنا اللي بشيل نتيجة قراري».
وكشفت عن علاقتها ببناتها قائلة: «أنا معلماهم وربتهم على إن هما ياخدوا قراراتهم بنفسهم، لازم في مساحة من الحرية، لأن هما لازم يعيشوا الحياة الطبيعية، عمري ما أتدخل في لبسهم، قرارات الدراسة هما اللي مقررينها، صحابهم، مبتدخلش كتير إلا لو لقيت حاجة محتاجة إن أنا أتكلم فيها».
