الأحد ٢٥ نوفمبر ٢٠١٢ -
٥٠:
٠٣ م +02:00 EET
بقلم: نشأت عدلي
غابت ياخسارة شمس الشموسة
يلا بقى نندب ورا الجاموسة
كانت لينا جواكي أحلام مهووسه
كنا بنحلم بحب قلب العروسه
ياما عشنا جوه قلبك الدافي
وقلبك كان نبض قلوبنا
كان عندي شوق أبقي شهيدك
من كتر حبك اللى بقي وليدك
لياليكي الجميله مش غايبه عن بالي
وكل خطاويكي الجريئه منحوته في كياني
مكنتش عارف انك ممكن تغدري
حتي وليدك اللى اتولد بإيدك تقتلي
كنا دايما في حضنك واحد
ليه دلوقتي بقوا اتنين
واحد بيحبك وبيموت في عشقك
والتاني بيمثل انه بيحبك
بيحبك لغاية مايحقق مناه
لكن الصادق عزك وسلامك هو هناه
وعلي كل ده لسة بحبك
لكن خايف منك ومن غدرك
بس برضه بحبك
غابت ياخسارة شمس الشموسة
يلا بينا نندب ورا الجاموسة
المقال الموضوع يعبر فقط عن رأي صاحبه وليس بالضرورة عن رأي أو اتجاه الموقع
English
