كتب - محرر الاقباط متحدون
وجه نيافة الانبا مقار اسقف الشرقية والعاشر للاقباط الارثوذكس، رسائل معزية في ظل معاناة الشعب المصري جراء الازمة الاقتصادية الخانقة والتضخم غير المسبوق .
وقال نيافته خلال عظة متلفزة :" يجب ان نطرح السؤال" هل يتركنا الله نعاني في ظل الازمة الاقتصادية " .
وتابع :" جاء في سفر الرؤية "انا لي مفتاح داود الذي يفتح ولا أحد يغلق ويغلق ولا أحد يفتح، قد جعلت أمامك بابا مفتوحا ولا يستطيع أحد أن يغلقه.
لافتا :" الباب المفتوح لن يأتي اليك ، بل يجب ان تذهب انت للبحث عنه وتطرق عليه .
وفيما يلي نص تصريحاته :
عندما تجد باب مفتوح، لتعلم وقتها انه هو الباب الذي اعده الله .
وحكى نيافته قصة من الواقع تؤكد ان الله لا يترك الإنسان قائلا :
قصة حصلت عارفين ان في صيادلة كتير بيحبوا يشتغلوا في الشركات الاجنبية ، مندوبين دعاية.
في واحد قدم في اكتر من شركة ومفيش شركة قبلته، المهم في إدارة شركته بعتتله فراح وعمل الانترفيو .
اللي عمل معاه الانترفيو لقاه بيتكلم انجليزي وفرنساوي ومستواه في الجامعة عالي ، جايب تقديرات حلوة وشخصية حلوة وحلو ان هو يشتغل وظريف وكل حاجة .
قاله انت مؤهل اكتر من اللازم ، لعبة لما يحبوا يزحلقوا حد يقولوا احنا مش عاوزين المستوى بتاعك ده بل اقل شوية.
الراجل قال يبقى كدة باظت الشغلانة، قاله انا هعمل توصية ليك في شركة تانية .
قالي وقتها فهمت القصة وقاله متشكرين وقام مشي، بعد ما فهم انهم مش عاوزينه.
بعدها بعشر ايام استقبل مكالمة من شركة تانية وراح المقر.
قالوله حضرتك تحب تشتغل معانا بمرتب كام ، قالهم هو مفيش انترفيو ، قالوله لا الانترفيو انت عملته من ١٠ ايام مع الدكتور فلان وهو بعت لنا خطاب توصية.
قالوله إحنا هنشغلك معانا في شركتنا وهي انترناشيونال والعقد بتاعك هيكون بالدولار.
حاجة على مستوى مكانش يحلم بيه خالص.
ولفت نيافته :"ما حدث ان الله فتح له باب لم يكن في مخيلته .
موضحا :" احيانا نبقى حاطين سكوب معين عشان نشتغل في مجال ما وربنا بيكون فاتح مجال مختلف لينا .
وتابع :" لما مش بتلاقي حاجة في السكوب اللي انت ماشي فيه بتزعل وتقول ربنا مفتحليش باب للشغل وده مش صحيح .
مؤكدا :" ربنا بيكون فاتحلك اسكوب تاني خالص بس اللي انت باصص على شغل معين لكن ربنا فاتح الباب في الناحية التانية .
واختتم :" الله قد اعد لك بابا مفتوحا لذلك عليك ان تنظر في كل الاتجاهات .
