وإسلاميون يتحدون باسم يوسف أن يسخر منه كما سخر من شيوخهم

وجه نشطاء على مواقع التواصل الاجتماعى "فيس بوك" و"تويتر" نقدا شديدا وهجوما ساخرا من فيديو لراهب قبطى، يزعم فيه أن السيدة مريم العذراء حضرت إلى المستشفى القبطى وقامت بإجراء عملية جراحية لراهبة كانت تعانى من مرض، وادعى أن العذراء قامت باستئصال الجزء الذى يسبب الألم للراهبة حتى تُشفى.

وقال الراهب بالفيديو: "راهبة على قيد الحياة وربنا يديها العمر.. ويستر عليا وعليها وأنا بحبها موت.. موجودة بدير من أديرة مصر القديمة، فى يوم شعرت بألم من مغص ببطنها، راحت على المستشفى القبطى، كشفوا عليها وقالوا لها لازم يا أمنا عملية جراحية، ضربت على صدرها وقالت لهم عملية؟! وتكشفوا جسمى وأنتم رجالة وأنا راهبة.. لا الكلام ده ما ينفعش، ادونى أى علاج".

وتابع: "قالوا لها يا أمنا لازم عملية، واتعمل "كونسولتو" وتقرر لازم يتعمل عملية، وفى المستشفى القبطى جهزوا لها العملية، وبالليل دخل مدير المستشفى قالها ابسطى يا أمنا جه دكتور خبير جراح من بره أمريكانى ضيف عندنا بكره وهو اللى هيعملك العملية بنفسه.. قالت: دكتور من بره دكتور من جوه.. أنا راهبة المفروض محدش يشوف جسمى خالص.. وليلة العملية أمنا الغالية دى دموعها بدأت تنزل وفيه صورة فى كل أوضة فى المستشفى القبطى للسيدة العذراء.. فهى بصت كدة للصورة وقالت لها يرضيكى يا عدراء.. زعلانا منك يا عدرا اعملى حاجة اعمليلى أنت العملية إحنا ستات زى بعض.. لكن يا عدراء يجى دكتور يعرينى، وبعدين بكرة يشوف الجرح وبعد بكرة يغير عليه وشغلانة، أمال أنا اترهبنت ليه.. زعلانة منك يا عدراء وراحت فى العياط.. وهى بتعيط لقت الصورة عمالة تكبر تكبر تكبر.. لحد ما وقفت جنبيها.. وراحت العدرا قالتلها زعلانة ليه ياحبيبتى وراحت وطت العدرا وباستها وقالت لها ولا تزعلى أنا جبتلك العدة تحت باطى وجاية أعملك العملية.. وراحت العدرا طلًعت من تحت باطها لفة صغيرة فيها مقص وبلستر وشريط ومكركروم وشابكة فى طرحتها.. لا مؤاخذة.. تلات أو أربع إبر كدة وكل إبره فيها فتلة.. وقالت لها يلا يا حبيبتى اعملك العملية.. وكشفتها وطلعت المقص وبدأت وقالت لها حسيتى بحاجة.. قالت لها: لا، وراحت العدرا مطلعة حاجة من بطنها كدة فى حتة قطنة وحطيتهالها على "الكمودينو" وقالت لها آدى الشئ اللى كان تاعبك.. وربنا الأم دى عايشة وربنا يديها العمر وطلعت فتلة وخيطت الجرح".

وتحدى نشطاء إسلاميون الإعلامى باسم يوسف، أن يقوم بالتهكم على الفيديو، الذى سُجل للقس، مثلما يتهكم على الشيوخ فى برنامجه "البرنامج".

يذكر أن باسم يوسف شن هجوما ساخرا على بعض المشايخ فى حلقته الأخيرة، من برنامج "البرنامج" مما أدى إلى غضب الإسلاميين.