تحدث مدير التصوير محمود شاهين لأول مرة على الانتقادات التي وجهت له بسبب حفل زفافه.
وقال محمود شاهين في لقاء مع blinx: "معنديش رد على كل الحاجات دي غير إني واحد انبسطت بفرحي جدا ومبسوط أوي أوي إني حققت الحلم اللي كنت عايزه وإني اتجوزت البنت اللي بحبها".
كما تحدث محمود شاهين على تعليقات الجمهور حول تصرفات ابنة عمته الفنانة الشابة إلهام صفي الدين في حفل الزفاف وبكائها وقال: "لولو بالنسبة ليها أنا أخوها وصاحبها بتجوز دي فرحة رهيبة كل اللي حوالينا كانوا بيعيطوا هما مأخدوش بالهم غير إن لولو باستني أو بتمسحلي عرقي، أنا أخوها دي بنتي، لولو بالنسبة ليا بنتي وأختي وصاحبتي، إحنا عيلة في إخوات ما بينهم أي حاجة؟ الناس دي بتفكر إزاي".
وعند تصدره التريند قال محمود شاهين: "اللي قاعدين على الكنبة وبيكتبوا تعليقات هو ميعرفش أنا مريت بإيه وميعرفش حياتي عاملة إزاي، والشخص اللي كفرني دا ميعرفش علاقتي بربنا إيه، كل ما في الموضوع بالنسبة ليا بقيت تريند شكرا شوية وهيموت".
وكان محمود شاهين نجل شقيق الفنانة إلهام شاهين احتفل بزفافه مساء الخميس، 5 سبتمبر.
وحرص على الحضور الفنانة إلهام شاهين عمة العريس والنجم محمد حماقى والمنتج حمدى بدر، وأمير شاهين عمه، والمخرجة منال الصيفي، والفنانة إلهام صفي الدين ابنة عمته، كما حضر كريم محمود عبد العزيز، نسرين إمام، هاجر الشرنوبي، محمد عز، سارة عبد الرحمن، وئام مجدي، المخرج حسام الحسيني، السيناريست تامر حبيب ونجلاء بدر ومحمد الشرنوبي وناهد السباعي وغيرهم من النجوم.
