شعر / محمد فتحي
كلنا مصريين
كلنا مصريين بروحنا حاربنا فداه ترابنا فى تلاتة و سبعين
كلنا مصريين بالمسلم و القبطى يابلدنا رجعتى لينا احنا الاتنين
طب يلاه بينا يا اولادنا نحافظ على مصر بلدنا و نهيئها لأحفادنا
و نخليها ربيع
سيبك من قولنا و قال عشان ينصلح الحال ده مصر عال العال
و دايما فوق الجميع
كلنا مصريين كلنا مصريين كلنا مصريين
انت يا تابع الرسول انت يا تابع المسيح
لازم محبتنا تطول و الحب يبقى صريح
وطول ما تملى ايدينا دايما مع بعضينا هنقدر نقف للريح
بينا محبة و رضا ازاى نكون عده والله الحكاية كده
و ميصحش الا الصحيح
كلنا مصريين كلنا مصريين كلنا مصريين
نسينا ليه الهلال نسينا ليه الصليب
لما الدم سال عشان وطنا الحبيب
احنا كلنا ضحينا بروحنا كمان و فدينا
كلنا ضد الغريب
مصر ام الكل هيه الورد هيه الفل لما ليها تطل
تلاقى جرحك يطيب
كلنا مصريين بروحنا حاربنا فداه ترابنا فى تلاتة و سبعين
كلنا مصريين بالمسلم و القبطى يابلدنا رجعتى لينا احنا الاتنين
كلنا مصريين كلنا مصريين كلنا مصريين