علقت صفحة أنا آسف ياريس على موقع التواصل الإجتماعى على دعوة حزب البناء والتنمية للتظاهر تحت عنوان "نبذ العنف" قائلة الذراع السياسي للجماعة الإسلامية اللي هي زعيمها "الزمر" اللي قتل السادات بتدعو لمليونية "نبذ العنف" اللى هي نفس الدولة اللي فيها مجرم هارب من السجن أصبح رئيس اللي هي نفس الدولة اللي أتحبس قائدها اللي حارب علشانها .
 
وتابعت الصفحة خلال تغريدة لها : اللي هي نفس الدولة اللى قالت عيش وحرية واتخصص لكل مواطن فيها 3 أرغفة يومياً ،  اللى هى نفس الدولة اللى بياخد فيها السجين 5 أرغفة يومياً اللي هي نفس الدولة اللي قالت عدالة اجتماعية اللي هي نفس الدولة اللي أتخرج فيها أبن مرسى سنة 2012 قام أتعين فى 2013 بمرتب 34 ألف جنية  ، اللي هي قالت "حرية" اللي هي أصبح فيها كل المعارضين كفار هى نفس الدولة اللى قالت الاخوان أنها اغني دولة فى العالم بمواردها ،  هى نفس الدولة اللى بنشحت وبنتسول دلوقتى على قرض من صندوق النقد الدولي هى نفس الدولة ، اللى قالت لا للمحسوبية هي نفس الدولة اللي جماعة الإخوان متحكمة فى جميع مفاصل الدولة  ، هى اللي فيها رئيس مجلس الشورى نسيب محمد مرسى.
 
وإختتمت : هى نفس الدولة اللى قالت أن النظام السابق عميل لإسرائيل وأمريكا ، هي نفس الدولة اللي أصبحت الصديق الوفي لإسرائيل وهى نفس الدولة اللى حكمت بالمؤبد على الرئيس مبارك وقالت انه قاتل هى نفس الدولة اللى اتقتل فيها الشباب عند سور الاتحادية وفى بورسعيد وفى السويس وميدان التحرير ومرسى طلع منها زى الشعرة من العجين.. ولا أي اندهاش ..