د / وجيه رؤوف
أه يا صاحبى لو تعرف     باحبك قد أيه
وعارف مهما قلتلك مش هتصدق مش عارف ليه
باحبك يا صاحبى ولو إختلفنا
باحبك يا صاحبى ولو أتفرقنا
باحبك ياصاحبى ولو أتفتنا
باحبك يا صاحبى ولو قالو ماقالوا
ولو حاولو دايما مابيننا ينالو
ولو قالوا عليك ماقالو
برضه انت صاحبى
باحبك يا صاحبى
ياصاحبى ماهيش مسأله ديانه
ولا انت بتصلى ولاعلشان أنت  آيه
باحبك ياصاحبى علشان أنت منى
ده انت ابن وطنى وحته منى
ولو شىء أصابك قلبى يحزننى
باحبك  ياصاحبى
تروح الكنيسه أو تروح الجامع
ده بينك وبين ربك  هوه إللى سامع
لكن على  الارض أنا وانت والحب جامع
باحبك ياصاحبى
باحبك يا صاحبى لو تصدق
ومهما أختلفنا  ومهما تدقق
تلاقينى ملازمك ودايما فى قربك
أجرى عليك لو طيره تضرك
باحبك يا صاحبى
أمانه عليك يا صاحبى
بلدنا جميله
وكمان أصيله
وكمان أمينه
وكمان  عظيمه
أيدك فى إيدى يا صاحبى نصونها
نحافظ عليها  نعينها مانخونها
ونبعد عنها شر عدوينها
با حبك يا صاحبى
باحبك يا صاحبى باسم الوطن
وطننا عظيم وعدى المحن
وكم من عدو طغى واتهزم
باحبك يا صاحبى
باحبك يا صاحبى باٍسم الأله
واحد كلنا ما نعبد سواه
على الأرض تشرق شمسه فى سماه
وبالليل يفرش علينا بسلامه غطاه
باحبك  يا صاحبى
باحبك يا صاحبى ومش هاسيبك
ومهما حاولو يسيئوا لدينك
هاكون دايما معاك
نصيرك معينك
باحبك يا صاحبى