سألت المذيعة الرئيس مرسى عن الحد الأعلى والأدنى للإجور فقالها : إن الثورة ثورة حريات وليست ثورة جياع .. ومعنى الكلام إن الثورة لاتهتم بموضوع المال لكن تهتم بالحريات ، والكلام ده دعاية وتجميل للثورة لكن مش حقيقى قوى لأن جزء كبير من الثورة متعلق بموضوع المال ، بالنسبة للخريجين عاوزين وظائف يعنى فلوس ، ومتوسطى وضعيفى الدخل عاوزين زيادة دخلهم ..

 

فى وسط حقائق بتملك بعض المواطنين عشرات المليارات من الجنيهات ، وإشاعات عن تملك المسئولين مئات المليارات من الجنيهات .. فالناس حبوا يجيبوا هذه الثروات ويوزعوها على بعض زى ما كان بيعمل عبد الناصر الملاحظة الثانية : إن فى المظاهرات ضد الرئيس مبارك قبل الثورة كانوا بيقولوا : ياحاكمنا بالمباحث كل الشعب بظلمك حاسس .. طيب ما عبد الناصر والسادات حكموا بالمباحث ..

 

لكن كانوا بيوزعوا فلوس على الناس أى وظائف صورية ووهمية ، لكن الرئيس مبارك أوقف التعيين فأحس الناس إنه لاينوبهم منه سوى المباحث دون الرش والدفع.