انا لا اعلم مصدر كلمة الخيبة .. هل اصلها كلمة مصرية ام عربية ام بأي لغة من اللغات التي تؤلف لغة التخاطب في مصر .. ولكنها  مرتبطه في معظم الاحيان بكلمة (القوية )... الخيبة القوية وتنطق  بطريقة مختلفة عما تكتب بة طبقا لاصالة وقواعد اللغة القبطية التي مازالت متعلقة في افواة الناس .

 

ومن خبيتنا القوية موضوع ذي موضوع ال٧ جنود اللي اتخطفوا في  سيناء .. وعندما حدث الاختطاف .. والدنيا هاجت وماجت والجيش  ومرسي والسيسي .. ومنشتات في الجرائد وتحركات الامن المركزي  وتحاليل إخبارية وكرامة مصر  .. وسيناء ومن يحكمها .. والجهاديون والسلفيون .. وعمر اديب واهالي المختطفين وتحرك الجيش ..والعملية هتكون مفاجأة في حلها .. وابو شيتا وام شيتا .. والافراج عن  المأسورين من كلا الجانبي .. والمخابرات  .. وقصص طويلة  وهم ما يتلم  ..

 

شعب خايب .. وخيبتة قوية .. وعلي جميع الاصعدة  .. شعب عايز جنازة .. علشان يشبع فيها لطم .. ذي الستات بالضبط .. عندما  تحاصرهم المشكلات ..دي تقول لصحبتها .. دا انا امبارح فضلت  الطم علي وشي لغاية ما وقعت من طولي واغمي عليا .. ولية ياختي عملت كدة .. تقولها من الدنيا وبلاويها ......

مصر اتملت ستات .. العنصر الرجولي في مصر إستأذن قال لبقية الستات .. فوتكم بعافية .. حتي رجالة المصريين في الافراح .. يرقصون مثل الستات .. يحركون اردافهم وتقاوي صدورهم مثل  النساء  ..شعب غريب مش كدة .. اتمحت من بين ايدية كل شئ

 

شعب لا يعرف كيف يفكر في الازمات .. لان حياتة كلها عبارة عن  ازمات .. النهاردة كل الجرايد تتكلم عن المختطفين ومطار الماظة  ومين سيستقبلهم .. ومرسي والسيسي ... شعب لو بطل كلام يموت اية اللي اتنسي في السكة ...... التمـــــــــــــــــــــــــــــــــــــــرد ..... ولا صحيفة واحدة اتكلمت علي التمرد الذي يكاد ان يكون آخر امل للمصريين .. في ان يعيدوا لانفسهم ولمصر الحياة من جديد .. وخرج مرسي من موضوع الرهائن الخايب خيبة قوية .. خرج بطل قومي والسيسي ايضا .. خرج بل قومي .. وكأن موضوع الرهائن دة قد صرف المصريون عن موضوعهم الاصلي والاصيل ...

 

التمـــــــــــــــــــــــــــرد علي مورسي والاخوان والتدهور الذي لحق بمصر .. مش دي خيبة قوية برضة .. مش دة أنعتاة اول قطفة .... احنا يامصريين لا نعدو  سوي  (خيال المآتة ) .. اللي بيعملوة الفلاحين في الغيطان .. ام العصافير ماتكلش القمح  .. احنا بوّق بس .. مالناش في الحمار  ونعشق جلد البردعة كما جاء في الشرع ... مورسى الكبنش راح يسأل احمد الطيب  علي حكم حكم الشرع في تحرير الرهائن  ... اخترع الكُتاب المصريين شخصية انشراح .. ينهوا كل مقال بــــــــ زغرطي يانشراح .. وفي مقال آخر .. صوّتي يانشراح ... المقال  اللي اتا كاتبة دة .. انا عايز اتصل بإنشراح شخصيا ....... 

 

عايزها تقول حاجة بعيدة عن الزغاريت .. وبعيد عن الصويت  والشنشنة  .. عايزها تقول حاجة لرجالة مصر  ..... حاجة مهمة قوي ... ما تقولي يانشراح ......