منذ أكثر من 30 عاماً، بدأ مشواره فى مجال الرقص الشرقى، بعد فترة قضاها فى ممارسة فن الباليه، الذى اكتسب منه مرونة فى حركات جسده، أهلته إلى خوض مجال التدريب فى الرقص الشرقى للسيدات والرجال أيضاً.
"عادل": الشباب بيتعلموه علشان فلوسه كتير
اختبارات معينة يجريها عادل نعيم للشاب المتقدم للحصول على ورشة الرقص الشرقى قبل قبوله، للتأكد من قدرته على التعلم ومن لياقته البدنية: «فيه شباب كتير بييجى عايز يتعلم الرقص الشرقى عشان يرقص فى كباريهات خارج مصر ببدل رقص ومكياج عشان الفلوس كتير، لكن أنا برفض ده لأنه بيقلل من الرجولة».
يروى الرجل، صاحب الـ65 عاماً، أنه ليس هناك اختلاف بين تعليم الرجال والسيدات، فهو يطبق منهجاً واحداً درسه فى معهد الباليه: «جدى دخلنى معهد الباليه وأنا عندى 8 سنين، كنت راقص باليه لحد ما الأوبرا القديمة اتحرقت، بعدها انضميت لفرق رقص شعبى».
يتعرض «عادل»، للكثير من التعليقات المسيئة لتدريبه الرقص الشرقى: «مش برقص لأنى ضد إن الراجل يرقص شرقى، لكن بدرب وبعمل حركات وخطوات عشان المتدربين يتعلموا من خلالها».
