كتب – سامي سمعان
أكد الدكتور محمد علام، نائب مدير مستشفي النجيلة للعزل بمرسي مطروح، أن بلازما علاج فيروس كورونا لازالت بمرحلة التجارب تحت إشراف لجنة بوزارة الصحة، وننتظر انتهاء التجارب ونتائجها لمعرفة أنسب وقت والكمية والحالات التى يمكن علاجها.
وأوضح "علام" على صفحته الشخصية على موقع التواصل فيس بوك، 5 معلومات بشأن بلازما علاج فيروس كورونا:
أولا:- مازال العلاج بالبلازما فى مرحله التجارب وتحت اشراف وزاره الصحه ولجنه علميه مكونه من اساتذه لمتابعه التجربه ونتائجها.
ثانيا:- النتائج مبشره ودى نقطه كويسه لكن للتوضيح التجارب معموله للوصول لافضل توقيت لاعطاء البلازما بحيث يكون ليه فائده ومين هيكون محتاجله وهل هيكون فى مضاعفات من نقله مش من نقل البلازما لانها حاجه قديمه القصد من نقل الاجسام المضاده لجسم المريض .
ثالثا:- البلازما اللى تم التبرع بيها لازم يتعمل عليها اختبار لمعرفه كميه الاجسام المضاده الموجوده علشان لو قليله مش هيكون ليها فايده .
رابعا:- اثناء التبرع بيتم سحب عينات من الدم للمتبرع لكل حاجه ممكن تتخيلوها علشان قبل اعطاء البلازما علشان يتم التاكد من ان مفيش اى خطر من اعطائها .
خامسا:- الوقت المثالى للتبرع 14 يوم ل 28 من الشفاء بعينه سلبيه ايه الضمان ان الشخص اللى هتديله فلوس مبينصبش عليك.
