كتب: محرر أقباط متحدون
نشر الشاعر مينا مجدى صورتين القمص بيشوي عياد كاهن كنيسة الشهيدين أبى سيفين ودميانة بشبرا أحدهما أثناء قيامه بصلاة القداس الألهى امس في عيد الغطاس والأخرى وهو موضوع في التابوت اثناء خروجه من الكنيسة بعد الصلاة على جثمانه الطاهر.
وكتب" من كام سنة كنت بخدم مع ابونا ابراهيم عبده في إجتماع الصلاة في الكنيسة الغالية علي قلبي "كنيسة ابو سيفين ودميانة" شبرا مصر .. كان ابونا ابراهيم بيوعظ ويرنم ويصلي .. وبعد الوعظة بقول قصيدة شعر .. من محبة ابونا واتضاعه كان بيقعدني جنبه دايمآ .. في المكان المخصص للأباء الكهنة .. وقتها اتعرفت علي أب كاهن زي الملايكة إسمه ابونا بيشوي عياد .. بسيط وهادي ومحب .. إبتسامته دايمآ علي وشه وخدمته خدمة نارية .. فضل يخدم ويصلي لحد أخر يوم في عمره .. الفرق بين الصورتين دول عتمة الليل بس .. بالليل كان بيصلي مع شعبه قداس عيد الغطاس .. والنهارده الصبح سافر السما .. في أية عظيمة في الكتاب المقدس بتقول "لتمت نفسي موت الأبرار ولتكن أخرتي كأخرتهم" .. كنت بسأل نفسي كتير يعني إيه موت الأبرار ؟! .. ودلوقتي عرفت .. يعني تفضل واقف علي رجليك لأخر لحظة بتخدم وتصلي وترفع إيدك للسما .. وكأنك بتقول ل ربنا "قد أكمل"
سلام يا ابونا بيشوي.
